ဆင်ဖြူကျွန်းတွင် ဆုတ်လေဦးစစ်ကောင်စီကင်း
စခန်းအား PDFများတိုက်ခိုက်သိမ်းပိုက်
ဟာနာဆန်/People’s Spring
မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့အ
နီး ဆုတ်လေဦးလမ်းဆုံရှိ စစ်ကောင်စီကင်းစခန်းအား တော်လှန်ရေးအဖွဲ့များ ဝင်ရောက်တိုက်ခိုက်သိမ်းပိုက်လိုက်ကြောင်း မင်းဘူးခရိုင် အမှတ်(၁)
တပ်ရင်း၏ တာဝန်ရှိသူက ပြောသည်။
ယနေ့(နိုဝင်ဘာ ၁၅ ရက်) နံနက် ၅ နာရီခွဲခန့်က စလင်းမြို့နယ်၊ ဆင်ဖြူကျွန်းမြို့အနီး၊ ဆုတ်လေဦးလမ်းဆုံရှိ စစ်ကောင်စီအထိုင်စခန်း တိုက်ခိုက်ခံရပြီး စစ်ကောင်စီတပ်သားများ ထိခိုက် သေဆုံးမှုများပြားပြီး လက်နက်များ သိမ်းဆည်းနိုင်ခဲ့ကြောင်း မင်းဘူးခရိုင် အမှတ်(၁)တပ်ရင်း၏ တာဝန်ရှိသူက ပြောသည်။
“အများကြီး မပစ်လိုက်ရဘူး ကျွန်တော်တို့။ မိနစ်ပိုင်းပဲ ပစ်လိုက်ရတယ်။ အလံဖြူထောင်တဲ့ကောင်ကထောင်တယ်။ သေနတ်ထားပြီး ဆုတ်ပြေးတဲ့ကောင်တွေက ပြေးတယ်။ လောလောဆယ်တော့ အလောင်းတစ်လောင်းနဲ့ လက်နက်ပစ္စည်းအချို့ ရထားတယ်။”ဟု အထက်ပါတာဝန်ရှိသူက ပြော
သည်။
ထို စခန်းမှထွက်ပြေးသော စစ်ကောင်စီတပ်ဖွဲ့ဝင်များသည် ဆင်ဖြူကျွန်းရဲစခန်းသို့ ဆုတ်ခွာသွားကြောင်း သိရသည်။
သိမ်းဆည်းရမိသည့် လက်နက်ခဲယမ်းစာရင်းကိုမူ အသိပေးခြင်းမရှိသေးဘဲ ထုတ်ပြန်သည့် ဓာတ်ပုံတွင်မူ သေနတ် ၃ လက်ကိုတွေ့ရှိရသည်။
ထိုစစ်ဆင်ရေးကို မင်းဘူးခရိုင်အမှတ်(၁)တပ်ရင်း
က ဦးဆောင်ကာ မင်းဘူးခရိုင် အမှတ်(၅)တပ်
ရင်း၊မိုးကြိုးပျောက်ကြားတပ်ဖွဲ့၊ဒေါင်းစစ်အောင်
(LPDF)တို့ ပူးပေါင်းတိုက်ခိုက်ခဲ့ခြင်းဖြစ်သည်။
အောက်တိုဘာ ၂၀ ရက်ကလည်း ယခုသိမ်းပိုက်ခံရသည့် ဆုတ်လေဦးကင်းစခန်းနှင့် လင်းဇင်းရဲစခန်းကို မင်းဘူးခရိုင် အမှတ်(၁)တပ်ရင်းနှင့် တော်လှန်ရေးအဖွဲ့များ တပြိုင်နက် တိုက်ခိုက်ခဲ့ရာ စစ်ကောင်စီတပ်သားများ ထိခိုက်သေဆုံးမှုရှိခဲ့သေးသည်။
(မင်းဘူးခရိုင်အမှတ်(၁)တပ်ရင်းမှရဲဘော်များအား သိမ်းဆည်းရမိသော လက်နက်အချိုနှင့်အတူ တွေ့ရစဥ်။ဓာတ်ပုံ-မင်းဘူးခရိုင်အမှတ်(၁)တပ်ရင်း)
