၁၀၂၇ စစ်ဆင်ရေးအပိုင်း(၂) ရဲ့ (၁၄၂)ရက်မြောက်မှာ နောင်ချိုမြို့နယ်အတွင်း စစ်ကောင်စီတပ်နဲ့ TNLA တို့ တိုက်ပွဲဆက်လက်ပြင်းထန်နေ…
နိုဝင်ဘာ ၁၃၊ ၂၀၂၄
ရှမ်းပြည်နယ်မြောက်ပိုင်း၊ နောင်ချိုမြို့ တောင်ခမ်းရွာက ဘုန်းကြီးကျောင်းနဲ့ စစ်ကောင်စီ အမြောက်တပ် (၃၅၄) တပ်စခန်းနေရာမှာ စစ်ကောင်စီတပ်နဲ့ တိုက်ပွဲဖြစ်ပွားနေတယ်လို့ TNLA က ဒီနေ့မှာ ထုတ်ပြန်ပါတယ်။
ဒီနေ့ မနက်ပိုင်းမှာ နောင်ချိုမြို့၊ တောင်ခမ်းရွာက ဘုန်းကြီးကျောင်းနေရာနဲ့ နေ့လည်ပိုင်းအချိန် စစ်ကောင်စီ အမတ(၃၅၄) တပ်စခန်းနေရာတွေမှာ တအာင်းအမျိုးသားလွတ်မြောက်ရေးတပ်မတော် TNLA နဲ့ စစ်ကောင်စီတပ်တို့အကြား တိုက်ပွဲဖြစ်ပွားခဲ့တယ်လို့ သိရပါတယ်။
ဒါ့အပြင် တိုက်ပွဲဖြစ်ပွားနေတဲ့ နောင်ချိုမြို့ မကျီးရေရွာ အကြမ်းဖက်စစ်ကောင်စီတပ်က ဂျက်ဖိုက်တာနဲ့ (၁)ကြိမ် ဗုံး(၁)လုံး လာရောက်ကြဲချတိုက်ခိုက်ခဲ့တယ်လို့ သိရပါတယ်။
ရှမ်းပြည်နယ်တောင်ပိုင်း၊ ရပ်စောက်မြို့နယ်၊ ကျောက်ဂူကနေ နောင်ချိုမြို့နယ်အတွင်း စစ်အင်အားပြန်လည်ဖြည့်တင်းဖို့ ကြိုးပမ်းနေတဲ့ အကြမ်းဖက်စစ်ကောင်စီတပ်က ထိုးစစ်ဆင်လာတာကြောင့် နှစ်ဖက်ထိတွေ့ တိုက်ပွဲဖြစ်ပွားခဲ့တာ ဖြစ်တယ်လို့ TNLA က ထုတ်ပြန်ထားပါတယ်။