ကားလောကထိပ်တန်းလုပ်ငန်းရှင်ကိုကြည်သာဟန် အဖမ်းခံရခြင်းမှာ အာဏာသိမ်းခေါင်းဆောင်သား နှင့်အငြင်းပွား၍ဟုသတင်းထွက်ပေါ်

ကားလောကထိပ်တန်းလုပ်ငန်းရှင်ကိုကြည်သာဟန် အဖမ်းခံရခြင်းမှာ အာဏာသိမ်းခေါင်းဆောင်သား နှင့်အငြင်းပွား၍ဟုသတင်းထွက်ပေါ်
ရဲခေါင်/People’s Spring
အာဏာသိမ်းခေါင်းဆောင်၏သား အောင်ပြည့်စုံ နှင့် အငြင်းပွားသဖြင့် ကားလောကတွင်ထိန်းတန်းလူငယ်လုပ်ငန်းရှင် ကိုကြည်သာဟန် ကို စစ်ကောင်စီက ဖမ်းဆီးထားကြောင်း သတင်းများထွက်ပေါ်နေသည်။
ကိုကြည်သာဟန်ကို နိုဝင်ဘာလဆန်းပိုင်းက ရန်ကုန်မြို့၊ရန်ကင်းမြို့နယ်၌ စစ်ကောင်စီက ဖမ်းဆီးသွားခြင်းဟု မော်တော်ယာဥ် ဝယ်ရောင်းအသင်း ဝင်အချို့က ပြောသည်။
“EV(လျှပ်စစ်ကား) ကိစ္စနဲ့ ငြိတာလို့ လောလော
ဆယ် သိရတယ်။EV ကား တွေ အာမခံ ကုမ္ပဏီတွေမှာ ထား မယ့်ကိစ္စတွေနဲ့ ပတ်သက်လို့ ကြားတယ်”ဟု မော်တော်ယာဥ် အသင်း အဖွဲ့ဝင်တစ်ဦးကလူထုနွေဦးသို့ ပြောသည်။
စစ်ကောင်စီ၏ အထူးတင်သွင်းခွင့်ပေးသည့် လျှပ်စစ် ကား EV မူဝါဒထွက်ပေါ်လာပြီးနောက် ကိုကြည်သာဟန်သည် Amazing Auto ကုမ္ပဏီလီမိတက် ကို တည်ထောင်ခဲ့ Dayun EV နှင့် တိုယိုတာ EV ကားများတင်သွင်းရောင်းချနေခြင်းဖြစ်သည်။
ထို့အပြင် KL Seven Car အရောင်းစင်တာ နှင့် Great Big Boss ကားအရောင်းစင်တာတို့မှာလည်း ကိုကြည်သာဟန်၏ လုပ်ငန်းခွဲ များအဖြစ် မော်တော်ယာဥ် လောကတွင်လူသိများသည်။
ကိုကြည်သာဟန် ဖမ်းဆီးခံရမှုတွင် ဒရိုက်တာအဖွဲ့ဝင် များကိုမှ ငွေရေးကြေးရေးအရှုပ်အရှင်းများနှင့် ပတ်သက်၍ ပေးရန်ကျန်ရှိခြင်း လုံးဝမရှိဘဲ ဘဏ် ချေးငွေကိစ္စများနှင့်လည်း တရားဥပဒေအရ ရင်ဆိုင်ဖြေရှင်းရခြင်းမျိုး လုံးဝ မရှိကြောင်း Amazing Auto ကုမ္ပဏီက နိုဝင်ဘာလ ၄ ရက်နေ့က ထုတ်ပြန်ထားသည်။
ထို့အပြင် Amazing Auto ကုမ္ပဏီသည်တရား
ဝင်ဖွဲ့စည်းထားသော Company တစ်ခုဖြစ်ပြီး EV လုပ် ငန်းများကိုလည်း လုပ်ငန်းစဉ်နှင့်အညီ လုပ် ဆောင်နေသော တရားဝင်ကုမ္ပဏီတစ်ခုဖြစ်သည်ဟု အသိပေးထားသည်။
စစ်ကောင်စီဝါဒဖြန့် တယ်လီဂရန်အချို့ကမူ ကိုကြည်သာဟန်သည် PDFများကို ထောက်ပို့မှုဖြင့် ဖမ်းဆီးခြင်းဖြစ်ကြောင်း သတင်းအမှားလွှင့်၍ ၎င်း၏ ပိုင်ဆိုင်မှုများအားလုံးသိမ်းဆည်းရန်ဝါဒ
ဖြန့်နေကြသည်။
အာဏာသိမ်းစစ်ခေါင်းဆောင် မင်းအောင်လှိုင်၏ သားနှင့်သမီးဖြစ်သော အောင်ပြည့်စုံ သည် BYD EV နှင့် ခင်သီရိသက်မွန်သည် MG EV ကို အများဆုံးတင်သွင်းခွင့်ရထားသူများဖြစ်သည်။နိူင်ငံတွင် လျှပ်စစ်မီးပြတ် ၊စက်သုံးဆီ ဈေးကြီးပြီးဝယ်ရခက်သောအခြေအနေတွင် အာဏာသိမ်းခေါင်းဆောင်၏ သားသမီးများမှာ အမြတ်အစွန်းရရန်သေချာသော EV ကားသွင့်ခွင့် ၊ဆိုလာတင်သွင်းရောင်းချခွင့် စသော အခွင့်အလမ်းကောင်းသောလုပ်ငန်းများကို အထူးအခွင့်အရေးရလုပ်ကိုင်ခွင့်ရနေခြင်းဖြစ်သည်။
စစ်ကောင်စီက ရွှေလုပ်ငန်းရှင် ၊ငွေကြေးရောင်းဝယ်သူ ၊စက်သုံးဆီတင်သွင်းရောင်းချသူ၊ဆန်ပြည်ပတင်ပို့ရောင်းချသူ၊စားအုန်းဆီတင်သွင်းရောင်းချသူ စသဖြင့်လုပ်ငန်းရှင်များကို အကြောင်းမျိုးစုံပြဖမ်းဆီးထောင်ချနေသည်။ထိုအပြင်လုပ်ငန်းရှင်များကို ဖမ်းဆီးပြီးငွေပမာဏများစွာတောင်းရမ်းငွေညှစ်ခြင်းမျိုး လည်းပြုလုပ်နေကြောင်းလုပ်ငန်းရှင်အချို့က ပြောသည်။
(ကိုကြည်သာဟန် ။ဓါတ်ပုံ-Kyi Thar Han FB)