Loikaw Local PDF တည်ထောင်ခြင်း ၁ နှစ်ပြည့်မှာ ရဲဘော်တွေအတွက် လက်နက်ခဲယမ်းနဲ့ အကာအကွယ်ပစ္စည်းတွေတပ်ဆင်ပေး (ရုပ်/သံ)

Loikaw Local PDF တည်ထောင်ခြင်း ၁ နှစ်ပြည့်မှာ ရဲဘော်တွေအတွက် လက်နက်ခဲယမ်းနဲ့ အကာအကွယ်ပစ္စည်းတွေတပ်ဆင်ပေး (ရုပ်/သံ)
နိုဝင်ဘာ ၄၊ ၂၀၂၄

Loikaw Local PDF ဖွဲ့စည်းတည်ထောင်ခြင်း ၁ နှစ်ပြည့် အထိမ်းအမှတ်အခမ်းအနားကို အောက်တိုဘာ ၃၁ ရက်က ကျင်းပပြုလုပ်ခဲ့ပြီး ရဲဘော်တွေအတွက် လက်နက်ခဲယမ်းနဲ့ အကာအကွယ်ပစ္စည်းတွေ တပ်ဆင်ပေးခဲ့တယ်လို့ သိရပါတယ်။
Loikaw Local PDF (လွိုင်ကော်မြို့နယ်ဒေသခံပြည်သူ့ကာကွယ်ရေးတပ်ဖွဲ့) ကို Karenni Revolution Union (KRU) ကရင်နီတော်လှန်ရေးတပ်ပေါင်းစုကနေ တဆင့် ပြောင်းလဲဖွဲ့စည်းတည်ထောင်ခဲ့တာဖြစ်ပြီး အဲ့လိုပြောင်းလဲတည်ထောင်ခဲ့ခြင်း တစ်နှစ်ပြည့်မြောက်ခဲ့တာလည်း ဖြစ်ပါတယ်။
လွိုင်ကော်မြို့ဒေသခံအများစုနဲ့ ဖွဲ့စည်းတည်ထောင်ခဲ့တဲ့ Loikaw Local PDF ဟာ တိုက်ပွဲပေါင်း ၁၅၀ ကျော် တိုက်ခိုက်ခဲ့ကာ ရဲဘော် ၄ ယောက်ကျဆုံးခဲ့ရပြီး အယောက် ၈၀ ထိခိုက်ဒဏ်ရာရရှိခဲ့တယ်လို့ သိရပါတယ်။
ပြည်သူတွေ ရွေးကောက်တင်မြောက်ထားတဲ့ အစိုးရသစ်တစ်ရပ် မပေါ်ပေါက်သရွေ့ ဆက်လက်တိုက်ပွဲဝင်သွားမယ်လို့ ပြည်သူများထံ ကတိသစ္စာပြုကြောင်းလည်း Loikaw Local PDF က ထုတ်ပြန်ထားပါတယ်။