လှိုင် (၁) ရပ်ကွက်အုပ်ကြီးအရိုက်ခံရပြီး
ပြည်သူအချို့အဖမ်းခံရ
“လမ်းထဲနေသူကိုအာဏာပြပါးတွေရိုက်၊ ဆဲဆိုနေတယ်၊၊ PDF ကိုလည်း သူပုန်ဆိုပြီး အော်ဟစ်ဆဲ
ဆိုနေပါတယ်၊၊ အရိုက်ခံရတာကို ကြည့်ပြီးမခံနိုင်လို့ လူတစ်ဦးက အုပ်ချုပ်ရေးမှူး ခေါင်းကို ဝင်ရိုက်သွားတယ်၊၊အုပ်ကြီး ခေါင်းကွဲသွားပါတယ်၊၊ရိုက်တဲ့သူက တော့ ထွက်ပြေးသွားပြီးအိမ်ရှိ ကျန်ခဲ့တဲ့ မိသားစုဝင်များကို ဖမ်းဆီးခေါ် ဆောင်သွားတယ်”-ပြည်သူတစ်ဦး
ရဲခေါင်/People’s Spring
ရန်ကုန်တိုင်း၊လှိုင်မြို့နယ် ၁ ရပ်ကွက် အုပ်ချုပ်ရေးမှူးနှင့် ရာအိမ်မှူး အရိုက်ခံရပြီး နောက် ပြည်သူအချို့ဖမ်းဆီးခံရကြောင်း ရပ်ကွက်နေထိုင်သူအချို့က ပြော သည်။
ကြာသာပတေးနေ့(စက်တင်ဘာ ၅) ည ၉ နာရီခန့်က ဇေယျသိဒ္ဓိ(၄)လမ်းတွင် လက်တွန်းလှည်းများဖယ်ရှားရန် ရပ်ကွက်အုပ်ချုပ်ရေးမှူးသိန်းမြင့်ဦးက အော်ဟစ်ကြိမ်းမောင်း၍ ပြည်သူအချို့ကိုပါးရိုက်သောကြောင့် လမ်းတွင်နေထိုင်သူတစ်ဦးက မခံနိုင်၍ တုတ်ဖြင့်ရိုက်နှင်ခဲ့ခြင်းဟုသိရသည်။
“လမ်းထဲနေသူကိုအာဏာပြပါးတွေရိုက်၊ ဆဲဆိုနေတယ်၊၊ PDF ကိုလည်း သူပုန်ဆိုပြီး အော်ဟစ်ဆဲ
ဆိုနေပါတယ်၊၊ အရိုက်ခံရတာကို ကြည့်ပြီးမခံနိုင်လို့ လူတစ်ဦးက အုပ်ချုပ်ရေးမှူး ခေါင်းကို ဝင်ရိုက်သွားတယ်၊၊အုပ်ကြီး ခေါင်းကွဲသွားပါတယ်၊၊ရိုက်တဲ့သူက တော့ ထွက်ပြေးသွားပြီးအိမ်ရှိ ကျန်ခဲ့တဲ့ မိသားစုဝင်များကို ဖမ်းဆီးခေါ် ဆောင်သွားတယ်”ဟု ဖြစ်စဥ်ကို သိရှိသောပြည်သူက လူထုနွေဦးသို့ ပြောသည်။
စစ်ကောင်စီဝါဒဖြန့်နေသည့် လူမှုကွန်ယက်အကောင့်တချို့တွင် လှိုင်မြို့နယ် ၁ ရပ်ကွက် ရပ်
ကွက်အုပ်ချုပ်ရေးမှူး ဦးခေါင်းထိပ်ပေါက်ပြဲဒဏ်
ရာနှင့်ရာအိမ်မှူးတွင်ဝဲလက်ဖူးယောင်ဒဏ်ရာများရခဲ့ကြောင်း ဖြန့်ဝေထားသည်။
လှိုင်မြို့နယ်အတွင်း ယခုရက်ပိုင်း၌စစ်ကောင်စီ
ခန့် အုပ်ချုပ်ရေးမှူးများ ၊ ရာအိမ်မှူးများ နှင့် ဒလန်များသည် ပြည်သူများကို အာဏာပြဆိုးရွားနေကြောင်းလည်း လှိုင်မြို့နယ် သတင်းအချက် အလက်စုဆောင်သူက အသိပေးထားသည်။
