ပိုးဝါ၊ နိရဥ္စရာ၊ ဇွန် ၁၁/၂၀၂၅
ရခိုင်ပြည်၊ သံတွဲမြို့နယ်မှ စစ်ဘေးရှောင်ပြီး ရန်ကုန်၊ မရမ်းကုန်းမြို့နယ်ထွေအုပ်ရုံးမှာ တွဲဖက်တာဝန်ထမ်းဆောင်နေသည့် အငယ်တန်းစာရေး တစ်ဦးဓားဖြင့်ထိုးသတ်ဖြတ်ခံရကြောင်း သတင်းရရှိသည်။
ယနေ့ ဇွန်လ ၁၁ ရက်၊ နံနက် ၉ နာရီ ၅၀ မိနစ်ခန့်တွင်မရမ်းကုန်းမြို့နယ်ထွေအုပ်ရုံးမှာ အခင်း ဖြစ်ပွားခဲ့ခြင်းဖြစ်သည်။
သေဆုံးသူမှာ အသက် ၃၆ နှစ်အရွယ် အငယ်တန်းစာရေး ကိုအောင်မြင့်မြတ်ဖြစ်ပြီးအသက် ၅၀ ကျော်အရွယ် ရုံးအကူ ဦးကျော်စိုးမင်းက ဓါးဖြင့် ထိုးသတ်ခဲ့ခြင်း ဖြစ်သည်။
“သူတို့က ရုံးမှာပဲ အတူနေကြတာ။အဲ့ဒီရုံးအကူဦးလေးက ဗိုလ်မှူးနောက်က လိုက်နေတဲ့လူ။ မနေ့ကလည်း အဲ့ဒီဦးလေးကအသတ်ခံရတဲ့အကိုကို လိုက်ရှာနေတယ်လို့တော့ ပြောကြတယ်။ပြသနာတွေတော့ရှိပုံရတယ်။ ဒီမနက်မှာ ရုံးထဲမှာပဲထိုးတာ။ အထိုးခံရတဲ့အကိုက ဇောနဲ့ထိုးတဲ့လူနောက်လိုက်တာနေမယ်။ ရုံးပေါက်ဝနားရောက်တော့ လဲသွားပြီးဆုံးသွားတာ” ဟု အမည်မဖော်လိုသည့် ရုံးဝန်ထမ်းတစ်ဦးက ပြောသည်။
လက်ရှိမှာတရားခံဖြစ်သူ ရုံးအကူ ဦးကျော်စိုးမင်း ထွက်ပြေးတိမ်းရှောင် နေသည့်အတွက် ရဲတပ်ဖွဲ့ကလိုက်လံဖမ်းဆီးနေသည်ဟု ဆိုသည်။
သေဆုံးသူ ကိုအောင်မြင့်မြတ်သည် ပြီးခဲ့သည့်မတ်လမှာမှ မရမ်းကုန်ရုံးကို ပြောင်းရွှေ့တာဝန်ထမ်းဆောင်ခြင်း ဖြစ်ကြောင်း သိရသည်။
(ဓာတ်ပုံ-စစ်ကောင်စီ)