တော်လှန်ရေးကာလ ၄ နှစ်တာအတွင်း ပကဖ ရဲဘော် ၁ ထောင်ကျော် ကျဆုံးခဲ့…
မေ ၂၉၊ ၂၀၂၅
အကြမ်းဖက်စစ်တပ် အာဏာသိမ်းပြီးနောက်ပိုင်း ၄ နှစ်ကျော်ကာလမှာ တိုက်ပွဲတွေအတွင်း ပြည်သူ့ကာကွယ်ရေးအဖွဲ့(ပကဖ) ရဲဘော် ၁၀၀၀ ကျော် ကျဆုံးခဲ့တယ်လို့ အမျိုးသားညီညွတ်ရေးအစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာတူးခေါင်က ဒီနေ့မှာ လူမှုကွန်ရက်ကနေ အသိပေးထားပါတယ်။
PDF စစ်ရုံးအစီရင်ခံစာအရ ၂၀၂၄ ခုနှစ် တစ်နှစ်အတွင်း ပကဖ ရဲဘော် ၂၀၀ ကျော် ကျဆုံးခဲ့ပြီး ၄ နှစ်တာကာလအတွင်းမှာ ၁၀၀၀ ကျော်ပြီလို့ ဒေါက်တာတူးခေါင်က ဆိုပါတယ်။
“အွန်လိုင်းပေါ်မှာတော့ ပကဖ တွေ ဆိုးတဲ့အကြောင်း၊ ပ သုံးလုံးတွေရဲ့ မကောင်းသတင်းပဲ များသောအားဖြင့် တွေ့ရပါလိမ့်မယ်။ မြေပြင်မှာ အသက်ပေးလှူနေကြတဲ့ သူတို့ဘဝတွေ လွယ်ကူမနေဘူး။…. PDF ရဲဘော်များကတော့ ကျဆုံးအများဆုံးပေါ့။ ” လို့ ဒေါက်တာတူးခေါင်က ဆိုပါတယ်။
နေ့စဉ် လေယာဉ်နဲ့ ဗုံး အန္တရာယ်ကြားမှာ အသက်ကိုဖက် နဲ့ ထုပ်ပြီး သွားလာလှုပ်ရှားနေရတာဖြစ်တဲ့အတွက် မချေမငံ ဆက်ဆံနေရတဲ့ အနေအထားမျိုးလည်း ရှိကောင်းရှိနိုင်သလို တော်လှန်ရေးရံပုံငွေ လိုအပ်ချက်ပြည့်မီဖို့ အပူတပြင်း လုပ်နေရတဲ့အချိန်လည်းရှိတာကြောင့် အားလုံးနားလည်ခွင့်လွှတ်ပေးမယ်လို့ မျှော်လင့်ကြောင်း ဒေါက်တာ တူးခေါင်က ပကဖ ရဲဘော်တွေနဲ့ ပတ်သက်ပြီး ပြောဆိုထားပါတယ်။