မန္တလေးမှာ မိုးသည်းလို့ ငလျင်ထိထားတဲ့ အဆောက်အအုံပြိုကျပြီး လူနှစ်ဦးထိခိုက်
■ချမ်းမြသာစည်၊ကံရွာရပ်ကွက်ဗလီမှာဝတ်ပြုဖို့ ယာယီဆောက်လုပ်ထားတဲ့ အဆောက်အဦပြိုကျ
မေ ၁၀၊ ၂၀၂၅။Scorpio၊ကဖေး/People’s Spring
မန္တလေးမြို့မှာ မိုးသည်းထန်စွာရွာသွန်းပြီး ငလျင်ထိထားတဲ့ အဆောက်အအုံတချို့ ပြိုကျလို့ လူနှစ်ဦး ထိခိုက်ဒဏ်ရာရထားတယ်လို့ မြို့ခံတွေက ပြောပါတယ်။
ဒီကနေ့ မေလ ၁၀ရက် ညနေ ၃နာရီခွဲခန့်က မန္တလေးမှာ မိုးသည်းထန်စွာ ရွာသွန်းပြီး မဟာအောင်မြေမြို့နယ်၊ ၇၄လမ်း၊ ၃၇ လမ်းနဲ့ ၃၈ လမ်းကြားမှာ အဆောက်အအုံတစ်ခု ပြိုကျပြီး လူထိခိုက်မှုရှိတယ်လို့ ဒေသခံတစ်ဦးက ပြောပါတယ်။
” လူနှစ်ဦးကယ်ဆယ်ပြီး တယောက်မှာစိုးရိမ်ရတယ်။”လို့ ဒေသခံတစ်ဦးက ပြောပါတယ်။
ဒါ့အပြင် ချမ်းမြသာစည်မြို့နယ်၊ ကံရွာရပ်ကွက် ဗလီမှာလည်း ဝတ်ပြုဖို့ ယာယီဆောက်လုပ်ထားတဲ့ အဆောက်အဦပြိုကျတယ်လို့ ဒေသခံတချို့က ပြောပါတယ်။ အဆောက်အဦး ပြိုကျမှုမှာ ရပ်ကွက်နေပြည်သူများနဲ့ အနီးနားရှိ ပရဟိအ
သင်းတွေကပိတ်မိနေသူတွေကို ကယ်ထုတ်ပေးခဲ့တဲ့အတွက်စိုးရိမ်ရတဲ့လူနာမရှိဘူးလို့သိရပါတယ်။
ထိခိုက်ပျက်စီးမှုအသေးစိတ်ကိုတော့ မသိရသေး
ပါဘူး။
ဒါ့အပြင် မိုးသည်းထန်စွာရွာရုံတင်မကဘဲ မိုးသီးတွေပါပါနေတယ်လို့ စိန်ပန်းနဲ့ မြောက်ပြင်ဘက် က ဒေသခံတွေက ပြောပါတယ်။
“မြေကြီးထဲကနေလည်း ဆွဲခါပြီးပြီ။ အခု အပေါ်ကနေလည်း မိုးသီးတွေနဲ့ ထုတယ်”ဟုမန္တလေးမြို့ခံတစ်ဦးကပြောသည်။
မိုးသည်းသည်းမဲမဲရွာသွား၍ ငလျင်ဘေးသင့်အ
ခြားတိုက်အိမ်များ ပြိုမည်ကို စိုးရိမ်နေရသည်ဟု မြို့ခံအချို့ကပြောသည်။
မန္တလေးမှာ ငလျင်ကြောင့် အဆောက်အဦ လေးထောင်ဝန်းကျင် ပြိုကျပျက်စီးခဲ့ပြီး အများစုက ရှင်းလင်းနိုင်ခြင်း မရှိသေးဘူးလို့ မြို့ခံတွေက ပြောပါတယ်။
လေပြင်းတိုက်ခိုက်မှုနဲ့ မိုးကြီးမယ့်အန္တရာယ်သ
တိပြုဖို့ အမျိုးသားညီညွတ်ရေးအစိုးရ(NUG) ရဲ့ လူသားချင်းစာနာထောက်ထားရေးနဲ့ဘေးအန္တရာ
ယ်ဆိုင်ရာစီမံခန့်ခွဲရေးဝန်ကြီးဌာန(MOHADM)
က မေလပထမပတ်အတွင်းက ထုတ်ပြန်ထားပါတယ်။
ဒေသအများအပြားမှာ မိုးရွာသွန်းနိုင်ပြီး မွန်းလွဲနဲ့ ညနေပိုင်းအချိန်များမှာ လေပြင်းတိုက်ခတ်ခြင်း၊ မိုးတိမ်တောင်ကြီးများဖြစ်ပေါ်တတ်ခြင်း၊ နေရာကွက်၍ မိုးကြီးခြင်း၊ မိုးသီးများကြွေကျခြင်း၊ လျှပ်စီးလက်ခြင်းနဲ့ မိုးကြိုးပစ်ခြင်း စတဲ့ ဘေး
အန္တရာယ်များ ဖြစ်ပေါ်နိုင်တယ်လို့ MOHADM
က သတိပေးထားပါတယ်။
ပြီးခဲ့တဲ့ ဧပြီအတွင်းကပဲ မန္တလေးမြို့အပါအဝင် ငလျင်ဘေးဒဏ်သင့်ဒေသများမှာ နေရာကွက်မိုးကြီးခဲ့ပြီး လေပြင်းတိုက်ခတ်ခဲ့ပါတယ်။ မိုးကြီးကာ လေပြင်းခဲ့တာကြောင့် ငလျင်ဘေးသင့် အဆောက်အအုံတွေပြိုကျတာ၊ ယာယီတဲတွေထဲ နေထိုင်လို့မရတာတွေ ဖြစ်ပွားခဲ့တယ်လို့ ဒေသခံတွေက ပြောပါတယ်။
ကံရွာရပ်ကွက်ဗလီမှာဝတ်ပြုဖို့
ယာယီဆောက်
လုပ်ထားတဲ့ အဆောက်အဦပြိုကျ
စဥ်။
ရုပ်သံ- Anastasia Ray