နေပြည်တော် ပျဉ်းမနားမြို့နယ်ရှိ ငလိုက်ချောင်း ယနေ့နံနက်ပိုင်း၌ ရေလျှံမှုဖြစ်၍ နေအိမ်အချို့ နစ်မြုပ်ကာ လူအများ ရွှေ့ပြောင်းနေထိုင်နေကြရသည်။
ငလိုက်ချောင်းတလျှောက်ရှိ စဉ့်အိုးဖို၊ သဲကျွန်း၊ မြို့သစ် အပါအဝင် ကျေးရွာမှဒေသခံများသည် နီးစပ်ရာ ဓမ္မာရုံများတွင် ပြောင်းရွှေ့နေထိုင်ကြသည်။ ရေလျှံမှုကြောင့် အနီးနားရှိ ကျေးရွာများတင်မကပဲ လမ်းများပေါ်တွင်လည်း ရေကြီးမှု ဖြစ်ပေါ်ခဲ့သည်။
“ မနေ့ညက ရွာတဲ့မိုးကြောင့်ချောင်းရေလျှံပြီး နံနက် လေးနာရီမှာ ရေစဝင်တယ်။ နိမ်တဲ့အိမ်တွေ နစ်ကုန်တာပဲ”ဟု ရေဘေး ကြုံတွေ့နေသည့် ဒေသခံတစ်ဦးကပြောသည်။
ဓာတ်ပုံ (Myanmar Now)
