Category: News

ပြည်မြို့၊ ရွှေဆံတော်ဘုရားပွဲတွင် အပျော်စီးပင်လယ်ဓားပြ စင်ပြိုကျမှု ထိခိုက်ဒဏ်ရာရသူများပြား ရန်ကုန်၊ နိုဝင်ဘာ ၁၅ ပဲခူးတိုင်း၊ ပြည်မြို့တွင် ရွှေဆံတော်ဘုရားပွဲတွင် အပျော်စီးပင်လယ်ဓားပြ စင်ပြိုကျခဲ့ရာ ထိခိုက်ဒဏ်ရာရသူများပြားကြောင်း ပြည်မြို့မှ ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ နိုဝင်ဘာ ၁၄ ရက်နေ့ ည ၇ နာရီဝန်းကျင် ပြည်မြို့ ၏ရွှေဆံတော် ဘုရားပွဲတော်တွင် “ကျော်သူမိုး” အပျော်စီးပင်လယ်ဓါးပြ လှေ၏ အတက်လမ်းစင်တွင် တန်းစီတိုးဝှေ့ကြသူများပြားသည့်အတွက် စင်ပြိုကျခဲ့ကြောင်း၊ ဒဏ်ရာရရှိသူများပြားသော်လည်း လူသေဆုံးမှု မရှိကြောင်း သိရှိရသည်။ “ပင်လယ်ဓားပြ အပျော်စီးလှေပေါ့။ အဲဒီမှာ လူတွေက ကြိတ်ကြိတ်တိုးပြီး စီးဖို့ တန်းစီကြရင်း ပြိုကျတာ။ လှေပေါ်တက်တဲ့ အတက်လမ်း သံငြမ်းစင်ပြိုကျတာ။ လူသေတာမရှိဘူး။ လူအုပ်ပြိုကျတော့ အပြင်ပန်းထိခိုက်ဒဏ်ရာရကြတာများတယ်” ဟု ပြည်မြို့မှ ဒေသပြည်သူက…

ထိုင်းစစ်တပ်၏ ရိုက်နှက်သတ်ဖြတ်မှုကြောင့် မြန်မာနိုင်ငံသား ၁ ဦးသေဆုံးခဲ့သည့်အမှုတွင် ထိုင်းစစ်သားများကို အရေးမယူသဖြင့် သမာသမတ်ကျ စုံစမ်းစစ်ဆေးအရေးယူရန် Fortify Rights အဖွဲ့ တောင်းဆို ရန်ကုန်၊ နိုဝင်ဘာ ၁၅ ထိုင်းစစ်တပ်၏ ရိုက်နှက်သတ်ဖြတ်မှုကြောင့် မြန်မာနိုင်ငံသား ၁ ဦးသေဆုံးခဲ့သည့်အမှုတွင် ထိုင်းစစ်သားများကို အရေးမယူ သည့်အပေါ် သမာသမတ်ကျ စုံစမ်းစစ်ဆေးအရေးယူမှုများ လုပ်ဆောင်ရန် Fortify Rights အဖွဲ့ က ထိုင်းအစိုးရကို နိုဝင်ဘာလ ၁၄ ရက်နေ့တွင် အစီရင်ခံစာ ထုတ်ပြန်တောင်းဆိုလိုက်သည်။ ဇန်နဝါရီလ ၁၂ ရက်နေ့၊ နံနက် ၁၁ နာရီခန့်အချိန် ထိုင်းနိုင်ငံ၊ မဲဆောက် (Mae Sot) ခရိုင်၊ တာ့ခ် (Tak) ပြည်နယ်၊ ရိုင် ၇၀ ဝန်းကျင် သစ်သားတံတားငယ်တစ်ခုအနီးတွင်…

မြစ်ကြီးနား၊ ဗန်းမော်နှင့် စစ်ကိုင်းတိုင်း အတွင်း ကျေးရွာအများအပြားတွင် အဆိပ်သင့်သတ္တုများ ရေတွင်းပျော်ဝင်နေမှု မြင့်မားစွာ တွေ့ရှိ ရန်ကုန်၊ နိုဝင်ဘာ ၁၅ ဧရာ၀တီမြစ်တစ်လျှောက် မြစ်ရေစမ်းသပ်စစ်ဆေးမှုအရ မြစ်ကြီးနား၊ ဗန်းမော်နှင့် စစ်ကိုင်းတိုင်းအတွင်း ကျေးရွာအများအပြားတွင် အဆိပ်သင့်သတ္တုများ ရေတွင်း ပျော်ဝင်နေမှု မြင့်မားစွာ တွေ့ရှိရကြောင်း ဧရာဝတီမြစ်ရေများကို ဓာတ်ခွဲစစ်ဆေးသည့် Myanmar Resource Watch (MRW )ထံမှ သိရသည်။ ၂၀၂၁ ခုနှစ် စစ်တပ်အာဏာသိမ်းပြီးချိန်ကစတင်ပြီး ဧရာဝတီမြစ် မြစ်ဖျားခံရာ ကချင်ပြည်နယ် ချီဖွေဒေသမှာ တရားမဝင် မြေရှားဓာတ်သတ္တုတူးဖော်မှု သိသာစွာမြင့်တက်လာခဲ့ပြီး မေခ၊ မလိခနဲ့ ဧရာဝတီမြစ်ကြောင်းတလျှောက်နှင့် မြစ်အတွင်းမှာပါ တရားမဝင် ရွှေသတ္တုတူးဖော်မှု လွန်စွာများပြားလာသည့်အတွက် မြစ်ရေစမ်းသပ်စစ်ဆေးမှုများ လုပ်ဆောင်ခဲ့ရာ ယခုကဲ့သို့ အဆိပ်သင့်သတ္တုများ ရေတွင်းပျော်ဝင်နေသည်ကို တွေ့ရှိခဲ့ရသည်ဟု MRW…

တရုတ်က ပိတ်ထားတဲ့ နယ်စပ်ဂိတ်တွေကို KIA ပြန်ပိတ် ~~~ ■ ကချင်ပြည်နယ်က မြေရှားသတ္တုအဓိကထွက်ရှိရာ ပန်ဝါဒေသကို ကချင်လွတ်မြောက်ရေးတပ်မတော် (KIA) က သိမ်းပိုက်လိုက်ပြီးနောက် တရုတ်နိုင်ငံဘက်က မြန်မာဘက်က ဒေသခံတွေ ဝင်ရောက်ခွင့်ကို ပိတ်ပင်ထားတဲ့ အတွက် KIA ကလည်း နှစ်နိုင်ငံနယ်စပ်ဂိတ်တွေကို မြန်မာဘက်ခြမ်းကနေ နိုဝင်ဘာလ ၁၂ ရက်နေ့ကစလို့ ပိတ်ထားလိုက်တယ်လို့ ဒေသခံတွေက RFA ကို ပြောပါတယ်။ KIA ဌာနချုပ်ရှိရာ လိုင်ဇာနယ်စပ်ဂိတ်၊ မိုင်ဂျာယန်နယ်စပ်ဂိတ်နဲ့ ပန်ဝါ နယ်စပ်ဂိတ်တွေကို KIA ဘက်က မြန်မာ ဘက်အခြမ်းကနေ ပြန်ပိတ်ထားတာတွေ့ရတယ်လို့ အမည်မဖော်လိုတဲ့ မိုင်ဂျာယန် ဒေသခံတစ်ဦးက RFA ကို ပြောပါတယ်။ “တရုတ်ဘက်ကတော့ ဖွင့်လိုက် ပိတ်လိုက် ဖြစ်နေတာ။ အခု KIA…

တော်လှန်ရေးပူးပေါင်းတပ်များ ပုလဲမြို့မှပြန်ဆုတ်ခွာ မိထက်/People’s Spring အနောက်မြောက်တိုင်းစစ်ဌာနချုပ်(နမခ)နှင့် မိုင်(၄၀)နီးပါးကွာဝေးသော ပုလဲမြို့သိမ်းတိုက်ပွဲအတွင်း စစ်ကောင်စီက လေကြောင်းမှ အပြင်းအထန်တိုက်ခိုက်ပြီး အင်အားဖြည့်တင်းလာ၍ တိုက်ပွဲလေးရက်မြောက်နေ့တွင် တော်လှန်ရေးပူးပေါင်းတပ်များ မြို့မှ ပြန်လည်ဆုတ်ခွာခဲ့ရသည်။ ” တိုက်ခိုက်ရေးအဖွဲ့တွေရော၊ ဖြတ်တောက်ရေးအဖွဲ့တွေပါ ပြန်ဆုတ်ခဲ့ရပါပြီ။ မြို့ပေါ်ကို စစ်တပ်က ထိုင်ထားပါတယ်။ ဒေသခံတွေကတော့ တိမ်းရှောင်နေရတုန်းပါပဲ”ဟု ပုလဲမြို့ခံတစ်ဦးက ပြောသည်။ ပုလဲမြို့မရဲစခန်းနှင့် မြို့နယ်အထွေထွေအုပ်ချုပ်ရေးမှူးရုံး၌ တပ်စွဲထားသည့်စစ်ကောင်စီတပ်ဖွဲ့ဝင်များကို ဗမာအမျိုးသားတော်လှန်ရေးတပ်မတော်(BNRA)ကဦးဆောင်ပြီး ဂျန်ဇီလူငယ်မျိုးဆက်တပ်တော်(GZA)နှင့် Southern YSO PDF ပူးပေါင်းတပ်တို့က ပြီးခဲ့သည့် တနင်္လာနေ့ နံနက်တွင် အပြင်းအထန် စတင် တိုက်ခိုက်ခဲ့ခြင်း ဖြစ်သည်။ သို့သော် နိုဝင်ဘာ ၁၁ရက်တွင် စတင်တိုက်ခိုက်ခြင်းမျိုးမဟုတ်ဘဲ အစောပိုင်းကတည်းက တိုက်ခိုက်နေပြီး ထိုနေ့မှသာ အပြင်အထန်စတင်ခဲ့ခြငးဟု BNRA ခေါင်းဆောင် ဗိုလ်နဂါးက ရှင်းပြသည်။ မြို့နယ်ထွေအုပ်ရုံး…

ပခုက္ကူခရိုင် ပကဖ လှုပ်ရှား တိုက်ခိုက်ရေးတပ်၊ တပ်ခွဲ-၅ (ဧရာဒေါင်း) ရဲ့ အပတ်စဉ် (၂) သင်တန်းဆင်းပွဲ… (ဓာတ်ပုံသတင်း) နိုဝင်ဘာ ၁၄ ၊ ၂၀၂၄ မကွေးတိုင်းအခြေစိုက် ပခုက္ကူခရိုင် ပြည်သူ့ကာကွယ်ရေး အဖွဲ့ (ပကဖ) က ခရိုင် လှုပ်ရှား တိုက်ခိုက်ရေးတပ်၊ တပ်ခွဲ-၅ (ဧရာဒေါင်း) ရဲ့ အပတ်စဉ် (၂) သင်တန်းဆင်းပွဲကို နိုဝင်ဘာလ ၁၁ ရက်က ပခုက္ကူခရိုင်အတွင်းရှိ လွတ်မြောက်နယ်မြေ တနေရာမှာ ကျင်းပခဲ့တယ်လို့ သိရပါတယ်။

ဖာပွန်မြို့တောင်ဘက်ခြမ်းက မထောတပ်စခန်းကို KNU စတင်တိုက်ခိုက် နိုင်ပကောင်း/People’s Spring ကရင်ပြည်နယ်၊ ဖာပွန်မြို့က ကူးဆိပ်စခန်းကို သိမ်းယူပြီး ရ​က်ပိုင်းအကြာမှာပဲ မြို့ တောင်ဘက်မှာ ရှိတဲ့ မထောတပ်စခန်းကို KNU တပ်မဟာ (၅)ပူးပေါင်းတပ်က ဆက်လက်တိုက်ခိုက်နေတယ်လို့ သိရပါတယ်။ ကူးဆိပ်စခန်းကနေ ဆုတ်ခွာသွားတဲ့ စစ်ကောင်စီတပ်ဖွဲ့ဝင်တွေ မထောတပ်စခန်းမှာ သွားရောက် ပူးပေါင်းနေကြပြီး လက်ရှိ အဲဒီစခန်းမှာ စုစုပေါင်းအင်အား ၈၀ ခန့် ရှိနေတယ်လို့ တပ်မဟာ (၅) ပြောရေးဆိုခွင့်ရှိသူ ဗိုလ်မှုးကြီး စောကလယ်ဒိုက ပြောပါတယ်။ “မထောစခန်းကို စတင်ပစ်ပြီလို့တော့ကြားတယ်” လို့ ဗိုလ်မှုးကြီးစောကလယ်ဒိုက ဆိုပါတယ်။ မထောတပ်စခန်းက ဖာပွန် – ကတိုင်တိ – ကမမောင်း ကားလမ်းမှာ တည်ရှိပြီး ဖာပွန်မြို့နဲ့တော့ ၁၀ မိုင့်ခန် ဝေးပါတယ်။…

အကြမ်းဖက် စစ်ခေါင်းဆောင် မင်းအောင်လှိုင်ကို လေဆိပ်တွင် သွားကြိုသည့် စစ်တပ်ထောက်ခံသူ မင်းသားရန်အောင်၏ ရန်ကင်း နေအိမ်ကို ပြင်းအားပျော့မိုင်းဖြင့် သတိပေး ဖောက်ခွဲ ရန်ကုန်၊ နိုဝင်ဘာ ၁၄ အကြမ်းဖက် စစ်ခေါင်းဆောင် မင်းအောင်လှိုင်ကို လေဆိပ်တွင် သွားကြိုသည့် မင်းသားရန်အောင်၏ ရန်ကင်း နေအိမ်ကို ပြင်းအားပျော့မိုင်းဖြင့် သတိပေးဖောက်ခွဲတိုက်ခိုက်ခဲ့ကြောင်း Dark Shadow က သတင်းထုတ်ပြန်သည်။ ယနေ့ နိုဝင်ဘာလ ၁၄ ရက်နေ့ မွန်းလွဲ ၁၂ နာရီ ၄၅ မိနစ်အချိန် ရန်ကုန်တိုင်း၊ ရန်ကင်းမြိုနယ် ဘောက်ထော် မြရတနာလမ်းနေ စစ်ကောင်စီထောက်ခံအားပေးသော အနုပညာရှင်အမည်ခံ မင်းသား ရန်အောင်၏နေအိမ် ကို Dark Shadow တပ်ဖွဲ့က ပြင်းအားပျော့မိုင်းအသုံးပြု၍ သတိပေးဖောက်ခွဲတိုက်ခိုက်ခဲ့ကြောင်း၊ အနုပညာရှင် အမည်ခံ ရန်အောင်အနေဖြင့်…

မြို့တော်ဟားခါးအနီး CDF နှင့် တိုက်ပွဲတွင် စကစတပ်ဖွဲ့ဝင် ၅၀ ကျော်သေ၊ ရဟတ်ယာဉ်ကို ပစ်ခတ်နိုင်ခဲ့ဟုဆို ပါခွီး (မဇ္ဈိမ) ။ ။ ချင်းပြည်နယ်၏မြို့တော် ဟားခါးမြို့နယ်အတွင်း ဇူလိုင်လ ၁၂ရက်နေ့မှ နိုဝင်ဘာလ ၁၂ အထိ လေးလကျော်ကြာ ဖြစ်ပွားခဲ့သည့် တိုက်ပွဲများအတွင်း စစ်ကောင်စီတပ်ဖွဲ့ဝင် ၅၃ ဦးသေဆုံးပြီး ရဟတ်ယာဉ်တစီးကိုလည်း ထိမှန်အောင် ပစ်ခတ်နိုင်ခဲ့ကြောင်း CDF ဟားခါး တာဝန်ရှိသူ မဇ္ဈိမကို ပြောသည်။ ထို့ပြင် စစ်ကောာင်စီတပ်ဖွဲ့ဝင် ခြောက်ဦးကို အရှင်ဖမ်းမိနိုင်ခဲ့ပြီး ဒဏ်ရာရသူ ၁၄ ဦးထက်ရှိကြောင်းလည်း ဆိုသည်။ အဆိုပါ စစ်ဆင်ရေးကာလအတွင်း ရဲ ၁၃ ဦးနှင့် စစ်သားလေးဦး လက်နက်ချ အလင်းဝင်လာခဲ့ပြီး ၎င်းတို့ယူဆောင်လာသည့် လက်နက်များနှင့် တိုက်ပွဲများအတွင်းသိမ်း ဆည်း ရရှိခဲ့သော…

ပုလဲမြို့သိမ်းတိုက်ပွဲမှာ အေအေက တပ်ရင်းတစ်ရင်းစာ ပူးပေါင်းပါဝင် BVJ/KNT _ နိုဝင်ဘာ ၁၃၊ ၂၀၂၄ စစ်ကိုင်းတိုင်း ယင်းမာပင်ခရိုင်၊ ပုလဲမြို့နယ်အတွင်းဖြစ်ပွားနေတဲ့ မြို့သိမ်းတိုက်ပွဲစစ်ဆင်ရေးအတွင်း အာရက္ခတပ်တော် (AA) က တပ်ရင်းတစ်ရင်းစာ ပူးပေါင်းပါဝင်ခဲ့တယ်လို့ ပုလဲမြို့နယ်၊ BNRA တိုက်ပွဲဝင် ဒေသကာကွယ်ရေးတပ်ဖွဲ့ဝင်တစ်ဦးက ပြောပါတယ်။ “ပုလဲမြို့သိမ်းတိုက်ပွဲမှာ AA က တပ်ရင်းတစ်ရင်းစာ ပူးပေါင်းပါဝင်တိုက်ခိုက်ခဲ့ပါတယ်။ ဒါကြောင့်လည်း စစ်တပ်က လေကြောင်းတိုက်ခိုက်မှုကို အပြင်းအထန်လုပ်နေတယ်၊ ဒါပေမဲ့ ကျွန်တော်တို့တွေဘက်က စစ်ရေးအရ အသာစီးရနေတယ်” လို့ပြောပါတယ်။ ပုလဲမြို့ကို နိုဝင်ဘာ ၁၁ ရက်ကစတင်ကာ ဒေသခံကာကွယ်ရေးတပ်ဖွဲ့တွေက မြို့သိမ်းတိုက်ပွဲဆင်နွဲနေပြီး ဒီနေ့ဆိုရင် ၃ ရက်ရှိပြီဖြစ်ကာ နှစ်ဘက်အပြင်းအထန်တိုက်ခိုက်နေတယ်လို့လည်း သိရပါတယ်။