မန်းရွှေစက်တော်အနီး ပြည်သူများသွားလာခြင်း
မပြုရန် မင်းဘူး PDF ထုတ်ပြန်
တာရာ/People’s Spring
ရွှေစက်တော်ဘုရားအနီး စစ်ကောင်စီက စစ်အင်
အားတိုးချဲ့လာပြီး ပြည်သူများကို ဖမ်းဆီးနေခြင်းကြောင့် မန်းရွှေစက်တော်ဘုရားသို့ ပြည်သူများသွားလာခြင်းမပြုရန် မင်းဘူးခရိုင်၊အမှတ်(၆)တပ်
ရင်း က ယနေ့( ဇန်နဝါရီ ၇ ရက်နေ့)မေတ္တာရပ်ခံထုတ်ပြန်ထားသည်။
စစ်ကောင်စီတပ်ကမန်းရွှေစက်တော်ဘုရားပွဲကျင်း
ပရန်အတွက် အနီးအနားရှိ ကျေးရွာ ၁၁ ရွာကို စစ်ကြောင်းထိုးကာ နယ်မြေရှင်းလင်းမှုများပြု
လုပ်နေပြီး တိုက်ပွဲများအချိန်မရွေးဖြစ်ပွားနိုင်၍ ဘုရားသို့ပြည်သူများသွားလာခြင်းမပြုရန် ယခုလို ထုတ်ပြန်ရခြင်းဖြစ်သည်ဟု အဆိုပါတပ်ရင်းတာ
ဝန်ရှိသူကပြောသည်။
“လူတွေကို ဖမ်းဆီးပြီး စစ်သားသစ်စုဆောင်းတာ၊ ငွေညှစ်တာတွေလုပ်နေလို့ပြည်သူတွေဘုရားအ
နားကို သွားလာခြင်းမပြုရန် တောင်းဆိုပါတယ်”
ဟု ၎င်းကဆိုသည်။
စစ်ကောင်စီတပ်သည် မန်းရွှေစက်တော်ဘုရားအ
နီးရှိ ကျေးရွာများဖြစ်သည့် ပုဒေါင်းရွာ၊ ဥယျာဉ်ရွာ၊ လောက်ပုလဲရွာ၊ ကိုင်းမကြီးရွာ၊ တင်ပြင်ခွေရွာ၊ အိုးပြင်မဲရွာ၊ အိုင်းမရွာ၊ လက်ပံတောရွာ၊ မဲချောင်ရွာ၊ ကသက်ရွာ နှင့် ဘုရားရွာတို့တွင် ပြည်
သူပိုင်ပစ္စည်းများကို လုယက်ယူဆောင်ခြင်း၊ ပြည်သူများကို ဖမ်းဆီးခြင်း၊ လူသားဒိုင်းလုပ်ခြင်း၊ မိုင်းကွင်းဖြတ်ခိုင်းခြင်းနှင့် မိုင်းထောင်များပြုလုပ်ခဲ့သည်ဟုလည်း ထုတ်ပြန်ချက်တွင်ဖော်ပြထား
သည်။
ထိုကြောင့် ထိုကျေးရွာများက ပြည်သူတစ်ထောင်ကျော် အိုးအိမ်စွန့်ကာ ထွက်ပြေးတိမ်းရှောင်နေရသည်ဟုလည်း ဆိုထားသည်။ ပြည်သူများအနေ
ဖြင့် ပုသိမ်-မုံရွာလမ်းပိုင်း၊ လက်ပံတော-အိုင်းမ
-ကိုင်းမကြီးလမ်းပိုင်းကို အသုံးပြုခြင်းမပြုကြရန် နှင့် စစ်ကောင်စီတပ်၊ ရဲများ အနီးအနားတွင် သွားလာနေထိုင်ခြင်းမပြုကြရန်လည်း အဆိုပါတပ်ရင်းကဆိုထားသည်။
စစ်ကောင်စီက ဖေဖော်ဝါရီ ၂ ရက်မှ ဧပြီ ၁၇ ရက်အထိကျင်းပရန် စီစဉ်ထားပြီး ဆိုင်ခန်းများအ
တွက် လေလံပွဲများလည်း ဆောင်ရွက်နေသည်ဟုလည်းထုတ်ပြန်ထားသည်။
(မန်းရွှေစက်တော်ကိုတွေ့ရစဥ်။MOI)
