တောင်ဥက္ကလာပမြို့နယ် ၁၄ ရပ်ကွက် အုပ်ချုပ်ရေးမှူးရုံးကို လက်ပစ်ဗုံး ၂ လုံး ပစ်သွင်း တိုက်ခိုက်မှု စစ်ကောင်စီ တပ်သားများ ထိခိုက်မှုရှိနိုင်
ရန်ကုန်၊ နိုဝင်ဘာ ၂၂
ရန်ကုန်မြို့၊ တောင်ဥက္ကလာပမြို့နယ် အမှတ် ၁၄ ရပ်ကွက် အုပ်ချုပ်ရေးမှူးရုံးကို လက်ပစ်ဗုံး ၂ လုံး ပစ်သွင်း တိုက်ခိုက်ရာ စစ်ကောင်စီ တပ်သားများ ထိခိုက်မှုရှိကြောင်း မြောက်ဥက္ကလာပမြို့နယ် ပြည်သူ့ကာကွယ်ရေးတပ်ဖွဲ့ မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
နိုဝင်ဘာလ ၂၁ ရက်နေ့ ည ၉ နာရီခန့်အချိန် တောင်ဥက္ကလာပမြို့နယ် ၊ ငွေတောင်စား သောက်ဆိုင် ဘေးရှိ အမှတ် ၁၄ ရပ်ကွက်အုပ်ချူပ်ရေးမှူးရုံးကို လက်ပစ်ဗုံး ၂ လုံး ပစ်သွင်း တိုက်ခိုက်ခဲ့ရာ အုပ် ချုပ်ရေးမှူးများ၊ ဆယ်အိမ်မှူးများနှင့် ရဲများ ထိခိုက်မှုရှိနိုင်ကြောင်း သိရသည်။
“၂ လုံး စလုံး ပေါက်ကွဲတဲ့အတွက် ထိခိုက်မှုရှိနိုင်တယ်။ ၂ ကြိမ်ဆက်တိုက် ပေါက်ကွဲတဲ့ အသံအကျယ်ကြီးကိုလည်း ပြည်သူတွေက ကြားတယ်လို့ ပြောတယ်။ နောက်ဆက်တွဲတော့ မသိရသေးဘူး။ အဲဒီရုံးက ငွေတောင်စားသောက်ဆိုင်ဘေးမှာရှိတာပါ။ ရဲဘော်တွေ အားလုံး ဘေးကင်းစွာဆုတ်ခွာနိုင်ခဲ့ပါတယ်” ဟု မြောက်ဥက္ကလာပမြို့နယ် ပြည်သူ့ကာကွယ်ရေးတပ်ဖွဲ့ မှ တာဝန်ရှိသူတစ်ဦးက ပြောဆိုသည်။
အဆိုပါ တိုက်ခိုက်မှုကို ရန်ကုန် အရှေ့ပိုင်းခရိုင် မြောက်ဥကလာပမြို့နယ် (ပကဖ) ရဲဘော်များက ၂၀၂၃ ခုနှစ်တွင် မစ်ရှင်းလုပ်ဆောင်ရင်း ငွေတောင်စားသောက်ဆိုင်ဝန်ထမ်းများ၏ ဖမ်းဆီးသတ် ဖြတ်ခြင်း ခံလိုက်ရသော ရဲဘော် ချောကလက် (ခ) သာဒင်အတွက် လက်စားချေတုန့်ပြန်သည့် အနေဖြင့် တိုက်ခိုက်ခဲ့ခြင်းဖြစ်ကြောင်း မြောက်ဥက္ကလာပကဖ မှ တာဝန်ရှိသူက ဆက်လက်ပြောဆိုသည်။
