အမှတ်(၁)စစ်ဒေသ၊ ပခုက္ကူခရိုင်အမှတ် (၁၉) တပ်ရင်းရဲ့ မွမ်းမံသင်တန်း အပတ်စဉ်(၁) သင်တန်းဆင်းပွဲ အခမ်းအနား… (ဓာတ်ပုံသတင်း)
နိုဝင်ဘာ ၁၀ ၊ ၂၀၂၄
အမျိုးသားညီညွတ်ရေးအစိုးရ၊ အမျိုးသားကာကွယ်ရေးဝန်ကြီးဌာန ၊ ပြည်သူ့ကာကွယ်ရေးတပ်မတော်၊ အမှတ်(၁) စစ်ဒေသ ၊ ပခုက္ကူခရိုင် P1-4019 တပ်ရင်းရဲ့ မွမ်းမံသင်တန်း အပတ်စဉ်(၁) သင်တန်းဆင်းပွဲ အခမ်းအနားကို နိုဝင်ဘာလ (၉) ရက် မနေ့က တပ်ခွဲ(၁)၊ (၂) နဲ့ (၃)တို့ စုပေါင်းကျင်းပပြုလုပ်ခဲ့တယ်လို့ အဆိုပါတပ်ရင်းက ထုတ်ပြန်ထားပါတယ်။
အဲ့ဒီအခမ်းအနားမှာ တပ်ရင်းက တာဝန်ရှိသူတွေ၊ တပ်ခွဲမှူးတွေ၊ ဦးစီးခေါင်းဆောင်တွေ အသီးသီးက ရဲဘော်တွေကို မိန့်ခွန်းပြောကြားခဲ့ပြီး သင်တန်းက ထူးချွန်ရဲဘော်တွေကို ဆုချီးမြှင့်ခြင်း၊ရဲဘော်၊ရဲမေတွေက သင်တန်းဆင်းရဲဘော်တွေကို ဖျော်ဖြေခြင်းတွေ ပြုလုပ်ခဲ့ကြပါတယ်။
အဲ့ဒီအခမ်းအနားကို လေကြောင်း လုံခြုံရေး အန္တရာယ် စိုးရိမ်မှုကြောင့် မဟာမိတ်တပ်ရင်းတွေနဲ့ ထောက်ပို့ဧည့်သည်တွေကို မဖိတ်ကြားခဲ့ရဘူးလို့လည်း ပခုက္ကူခရိုင်အမှတ် (၁၉) တပ်ရင်းက ဆိုပါတယ်။