မြောက်ဥက္ကလာ EPC ရုံး လုံခြုံရေးဂိတ် လက်ပစ်ဗုံးနဲ့ပစ်ခံရပြီး အစောင့်ကျတဲ့ အကြမ်းဖက်စစ်သား၊ ရဲအချို့ ထိခိုက်ဒဏ်ရာရ

မြောက်ဥက္ကလာ EPC ရုံး လုံခြုံရေးဂိတ် လက်ပစ်ဗုံးနဲ့ပစ်ခံရပြီး အစောင့်ကျတဲ့ အကြမ်းဖက်စစ်သား၊ ရဲအချို့ ထိခိုက်ဒဏ်ရာရ
နိုဝင်ဘာ ၉၊ ၂၀၂၄
နိုဝင်ဘာလ ၈ရက်၊ ည ၇နာရီကျော်လောက်က ရန်ကုန်တိုင်း မြောက်ဥက္ကလာပမြို့ EPC ရုံး လက်ပစ်ဗုံးနဲ့အပစ်ခံရပြီး ကင်းအစောင့်ချထားတဲ့ အကြမ်းဖက်စစ်သားနဲ့ ရဲအချို့ ထိခိုက်ဒဏ်ရာရရှိခဲ့ကြောင်း ရန်ကုန်မြို့ပြပြောက်ကျားတပ်ဖွဲ့ဆီကနေ သိရပါတယ်။
မြောက်ဥက္ကလာပ EPC ရုံး၊ အစောင့်ချထားတဲ့ နေရာကို လက်ပစ်ဗုံး ၂လုံးနဲ့ ပစ်သွင်းတိုက်ခိုက်ခဲ့တာကြောင့် ကင်းစောင့်နေတဲ့ အကြမ်းဖက်စစ်သားနဲ့ ရဲတွေ ထိခိုက်ခဲ့တာဖြစ်တယ်လို့လည်း သိရတာပါ။
“ပြည်သူတွေကိုအကြမ်းဖက်နေတဲ့ စစ်တပ်၊ ရဲတွေကို၊ သူတို့ကင်းကျတဲ့ EPC ရုံးထိ သွားရောက်ပစ်ခတ်တိုက်ခိုက်ခဲ့တာဖြစ်တယ်” လို့ Yangon UG People Army တာဝန်ခံ ဂျိုးက မောင်းကိုပြောပါတယ်။
လက်ပစ်ဗုံးနဲ့ ပစ်ခဲ့ပြီး ပေါက်ကွဲမှု့ကြောင့် ကင်းစောင့်နေတဲ့ အကြမ်းဖက်စစ်သားနဲ့ ရဲတွေ လဲကျတာကိုတွေ့ရပြီး ထိခိုက်သေဆုံးမှု့ကိုတော့ အတိအကျမသိရသေးဘူးလို့ အထက်ပါ YUPA တာဝန်ခံက ဆက်ပြောပါတယ်။
အဆိုပါတိုက်ခိုက်မှုကို YUPA မြို့ပြပြောက်ကျား တော်လှန်ရေးတပ်ဖွဲ့နဲ့ မြောက်ဥက္ကလာပ ပြည်သူ့ကာကွယ်ရေးတပ်ဖွဲ့၂တို့ ပူးပေါင်းလုပ်ဆောင်ခဲ့တာဖြစ်ကြောင်း မြို့ပြပြောက်ကျား တော်လှန်ရေးတပ်ဖွဲ့တွေဆီကနေ သိရပါတယ်။
ရန်ကုန်မြို့ပေါ်ရှိ အကြမ်းဖက်စစ်တပ်၊ ရဲနဲ့ အကြမ်းဖက်စစ်တပ်ထောက်တိုင်များကို မြို့ပြပြောက်ကျားတော်လှန်ရေးတပ်ဖွဲ့များမှ တိုက်ခိုက်လျှက််ရှိပြီး၊ နိုဝင်ဘာ၇ရက်နေ့ညကလည်း မဂ်လာဒုံမြို့နယ်ရှိ အကြမ်းဖက်လေတပ်၊ အိမ်ထောင်သည်လိုင်းခန်းဂိတ်ကို RUC မြို့ပြပြောက်ကျားတော်လှန်ရေးတပ်ဖွဲ့က ပဒေသာမိုင်းထောင်ပြီး ဖောက်ခွဲ့မှုတွေ ပြုလုပ်ခဲ့ကြောင်းလည်း ရန်ကုန်မြို့ပြယူဂျီတော်လှန်ရေးတပ်ဖွဲ့တွေဆီကနေ သိရပါတယ်။
ပုံစာ- မြောက်ဥက္ကလာပ EPC ရုံးကိုပစ်ခတ်ရာမှာအသုံးပြုတဲ့ လက်ပစ်ဗုံးပုံ