ခြေလျင်တပ်ရင်းမှူးသင်တန်းတက်ရန်သွားသောစစ်ဆရာဝန်ဗိုလ်မှုးတစ်ဦးကို ရန်ကုန်တိုင်းစစ်ဌာန ဖမ်းဆီး
“ယခုဖမ်းဆီးရမိတဲ့စစ်ကောင်စီဗိုလ်မှူးဟာ စစ်ကောင်စီ အရာရှိကြီးများ နဲ့ ဆွေမျိုးတွေကို ကျန်း
မာရေးကြည့်ရှု့စောင့်ရှောက်မှုပေးနေတဲ့သူလည်း ဖြစ်တယ်။လက်ရှိဖြစ်စဉ်အရ စစ်ကောင်စီဟာ စစ်ဘက်ဆိုင်ရာဆရာဝန်တွေကိုလည်း ခြေလျင်သင်
တန်းတက်ခိုင်းနေတယ်ဆိုတဲ့အချက်ကို ကနဦးစစ်ဆေးဖော်ထုတ်ချက်များမှာတွေ့မြင်ရတယ်”
-ရန်ကုန်တိုင်းစစ်ဌာနမှ တာဝန်ရှိသူ
သတိုး / People’s Spring
သံတောင်ကြီးရှိ စစ်ကောင်စီ၏ တိုက်ခိုက်ရေးကျောင်း သို့သင်တန်းတက်ရောက်ရန်လာသည့် စစ်ကောင်စီအရာရှိ ဗိုလ်မှုးတစ်ဦးကို ဖရဲသီး၏ သတင်းပေးချက်အရ ဖမ်းဆီးနိုင်ခဲ့ကြောင်း ရန်ကုန်တိုင်းစစ်ဌာနမှ တာဝန်ရှိသူက လူထုနွေဦးသို့ ပြောသည်။
ရန်ကုန်တိုင်းစစ်ဌာန၊ တပ်ရင်း ၅၁၀၂ က အောက်တိုဘာလ ၃၁ ရက်နေ့တွင်စစ်ကောင်စီ၏ တပ်မတော်(ကြည်း)၊ တိုက်ခိုက်ရေးကျောင်း(သံ
တောင်ကြီး)သို့ ခြေလျင်တပ်ရင်းမှူးသင်တန်း တက်ရောက်ရန်အတွက် ခရီးထွက်လာသော တဆရ – ၁၂/၁၀၀ (ထားဝယ်)မှ ပါရဂူသမားတော် ဗိုလ်မှူး ထိန်တောက်ဆိုသူကို ၎င်း၏မိသားစုဝင်များနှင့်အတူ ပဲခူးတိုင်းဒေသကြီးအတွင်း လမ်းပိုင်းတနေရာ၌ ဖမ်းဆီးနိုင်ခဲ့ခြင်းဖြစ်သည်။
“စစ်ကောင်စီအရာရှိ ဗိုလ်မှူး ထိန်တောက်အနေနဲ့ စစ်ကောင်စီရဲ့ တပ်မတော် (ကြည်း) တိုက်ခိုက်ရေးကျောင်း (သံတောင်ကြီး)ကို သင်တန်းတက်ရောက်ဖို့ သွားရောက်ရမယ့်သတင်းကို အတွင်းဖရဲသီးတွေကနေတဆင့် ကြိုတင်သတင်းပေးပို့ချက်တွေရရှိခဲ့တယ်။ အဲဒီဖရဲသီးသတင်းပေးပို့ချက်အတိုင်း နေ့ရက်၊ အချိန် နဲ့ လမ်းပိုင်းနေရာကို ရှောင်တခင်စစ်ဆေးမှု ပြုလုပ်ပြီး ဖမ်းဆီးနိုင်ခဲ့တာဖြစ်ပါတယ်။ဖမ်းဆီးရမိခဲ့တဲ့ နယ်မြေရဲ့လမ်းပိုင်းကိုတော့ စစ်ဘက်ဆိုင်ရာလုံခြုံရေးအရ လျှို့ဝှက်ထားရပါမယ်။ ” ဟု ၎င်းကပြောသည်။
ဖမ်းဆီးရမိချိန်တွင် စစ်ကောင်စီ ဗိုလ်မှုး နှင့်အတူ ဇနီး နှင့် ကလေးများပါလာသောကြောင့် လူ့အခွင့်အရေးစံနှုန်းများနှင့်အညီ ဂရုတစိုက်ဆောင်
ရွက်ခဲ့သည်ဟု အထက်ပါတာဝန်ရှိသူက ဆက်ပြောသည်။
“ယခုဖမ်းဆီးရမိတဲ့စစ်ကောင်စီဗိုလ်မှူးဟာ စစ်ကောင်စီ အရာရှိကြီးများ နဲ့ ဆွေမျိုးတွေကို ကျန်း
မာရေးကြည့်ရှု့စောင့်ရှောက်မှုပေးနေတဲ့သူလည်း ဖြစ်တယ်။လက်ရှိဖြစ်စဉ်အရ စစ်ကောင်စီဟာ စစ်ဘက်ဆိုင်ရာဆရာဝန်တွေကိုလည်း ခြေလျင်သင်
တန်းတက်ခိုင်းနေတယ်ဆိုတဲ့အချက်ကို ကနဦးစစ်ဆေးဖော်ထုတ်ချက်များမှာတွေ့မြင်ရတယ်။” ဟု အထက်ပါ တာဝန်ရှိသူကပြောသည်။
ပဲခူးတိုင်းဒေသကြီးအတွင်း လမ်းပိုင်းတနေရာ၌ ရန်ကုန်တိုင်းစစ်ဌာန၊ တပ်ရင်း ၅၁၀၂ မှ လက်ရ
ဖမ်းဆီးနိုင်ခဲ့ခြင်းဖြစ်ပြီး ဖမ်းဆီးရမိသော ဗိုလ်မှူးကို ရန်ကုန်တိုင်းစစ်ဌာနမှ စစ်သုံ့ပန်းမူဝါဒနှင့်အညီ ထိန်းသိမ်းထားရှိကာ မိသားစုဝင်များကိုလည်း လူအခွင့်အရေး အပြည့်အဝရရှိစေရန် ဆောင်ရွက်ထားရှိကြောင်း ရန်ကုန်တိုင်းစစ်ဌာနက နိုဝင်ဘာ ၂ ရက် ရက်စွဲဖြင့်ထုတ်ပြန်ထားသည်။
“လုံခြုံရေး အသိသတိရှိကြပါ စကစ သတင်းအချက်လက်တွေ ပေးပို့ကြပါ” အထက်ပါတာဝန်ရှိသူက ပြည်သူများကို သတင်းစကားပါးသည်။