ဖားကန့်မြို့နယ်၊ လုံးခင်းကျေးရွာ၊ ခွန်ဆာကုန်းသို့ စစ်တပ်က လက်နက်ကြီးဖြင့် ပစ်ခတ်တိုက်ခိုက်မှုကြောင့် ပြင်းထန်သော ပေါက်ကွဲမှုများဖြစ်ပွားပြီး နေအိမ်များ မီးလောင်ကာ ပြည်သူ ၉ ဦးထက်မနည်း သေဆုံး
ရန်ကုန်၊ ဇွန် ၇
ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာ၊ ခွန်ဆာကုန်းသို့ စစ်တပ်က လက်နက်ကြီးဖြင့် ပစ်ခတ်တိုက် ခိုက်မှုကြောင့် ပြင်းထန်သော ပေါက်ကွဲမှုများဖြစ်ပွားပြီး နေအိမ်များ မီးလောင်ကာ ပြည်သူ ၉ ဦးထက်မနည်း သေဆုံးခဲ့ကြောင်း ဒေသပြည်သူတချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ ဇွန်လ ၆ ရက်နေ့ ည ၉ နာရီ ၁၀ မိနစ်အချိန် ဖားကန့်မြို့၊ တပ်မကုန်းမှ စစ်ကောင်စီတပ်က လက်နက် ကြီး များဖြင့် လုံးခင်းကျေးရွာ၊ ခွန်ဆာကုန်းသို့ ပစ်ခတ်ခဲ့ကြောင်း၊ ယင်းသို့ လက်နက်ကြီးဖြင့် ပစ်ခတ်မှုကြောင့် ဖားကန့်မြို့နယ်၊ ငြိမ်းချမ်းသာယာ (ခေါ်) ခွန်ဆာကုန်းရှိ မြေဩဇာဂိုဒေါင်နှင့် နေအိမ်များမှာ မီးလောင်ကျွမ်းခဲ့ကြောင်း၊ မီးမှာ နာရီပေါင်းများစွာ လောင်ကျွမ်းခဲ့ကြောင်း၊ ကလေးငယ် ၁ ဦး အပါအဝင် အလောင်း ၉ လောင်း တွေ့ရှိထားကြောင်း သိရှိရသည်။
“အဲဒီခွေးတွေက လွန်ခဲ့တဲ့ရက်ပိုင်း လုံးခင်းမှော်စီစာ၊ ကုဋေမှော်၊ ဆန်ခါတွေကို မီးဝင်ရှို့နေတဲ့စစ်ကြောင်းတွေ။ အရင် ဖားကန့်တပ်မကုန်းက ငြိမ်သက်နေတာ။ အခု စစ်ကူစစ်ကြောင်းတွေရောက်မှ ပတ်ပတ်လည်ကို ပစ်ခတ်တာတွေ တောက်လျှောက်လုပ်နေတယ်။ သူတို့ ပစ်မှတ်ထားတာကလည်း ပြည်သူတွေကို ပစ်မှတ်ထားပြီး ပစ်ခတ်သတ်ဖြတ်နေတာ။ ပေါက်ကွဲတဲ့နေရာက ကျွင်းကြီးတွေဖြစ်နေတာ လက်နက်ကြီးကျရောက်ပေါက်ကွဲပြီးမှ ထပ်ပေါက်ကွဲမှုတွေနဲ့ မီးလောင်တာလို့ သုံးသပ်လို့ရပါတယ်” ဟု ဒေသသတင်းရင်းမြစ်က ပြောဆိုသည်။
ဖားကန့်မှ အခြားသတင်းရင်းမြစ် ယမန်နေ့ညပိုင်း ပေါက်ကွဲမှုနှင့်မီးလောင်ကျွမ်းမှုမှာ ပုလဲဓာတ်မြေဩဇာ ဂို ဒေါင် နှင့် နေအိမ်များ မီးလောင်ကျွမ်းခဲ့ခြင်းဖြစ်ကြောင်း၊ နေအိမ် ၁၂ လုံးပျက်စီးခဲ့ကြောင်း၊ ပျက်စီးမှုများလည်း များပြားကြောင်းပြောဆိုသည်။
ဓာတ်ပုံ- CJ ။
ဖားကန့်လက်နက်ကြီးပေါက်ကွဲပြီးငလျင်လှုပ်
■ပေါက်ကွဲမှုကြောင့်မိသားစုလိုက်သေဆုံး၊ကနဦးသတင်းအရသေဆုံးသူ ၈ ဦးရှိ
ဇွန်-၆၊၂၀၂၅။ယောနသံ/People’s Spring
ဖားကန့်မြို့နယ်တွင် ယနေ့(ဇွန်လ၆ရက်) ည ၉နာရီကျော်ကပြင်းထန်သည့်ပေါက်ကွဲမှုဖြစ်ပြီး နေအ်ိမ်အဆောက်အအုံအချို့မီးလောင်နေစဉ် ငလျင်လှုပ်၍ ဒေသခံများထိတ်လန့်တုန်လှုပ်ခဲ့ကြရသည်။
ဖားကန့်မြို့နယ်ခွန်ဆာကုန်းကို စစ်ကောင်စီတပ်က ည ၉နာရီ ၁၀မိနစ်တွင် ပေါက်ကွဲအား ပြင်းထန်သည့် လက်နက်ကြီးနှစ်လုံးပစ်ခတ်ခဲ့ခြင်းဟုဒေသ
ခံအချို့ကပြောသည်။
အဆောက်အအုံအချို့မီးလောင်နေပြီး လူအချို့ ပိတ်မိနေ၍ ကယ်ဆယ်ရေးလုပ်ဆောင်နေစဉ် ငလျင်လှုပ်ခြင်းဟု ဒေသခံတဦးကပြောသည်။
၎င်းက ” ငလျင်က ၂ စက္ကန့်လောက်ပဲကြာတယ်။ ဆွဲခါသွားတာ။ ဒီညလက်နက်ကြီးရောငလျင်ရော ကမ္ဘာကိုပျက်နေတာပဲ”ဟုပြောသည်။ငလျင်သည် ဖားကန့်ကိုဗဟိုပြု၍ ည ၉နာရီ ၄၃မိနစ်၌ ရစ်ခ်ျတာစကေး ၄ဒဿမ၁အဆင့်ငလျင် လှုပ်သွားသည်ဟု ငလျင်တိုင်းတာရေးကွန်ပျူတာမော်ဒယ်အချို့တွင် ဖော်ပြထားသည်။
လှုပ်ခတ်မှုအလွန်ပြင်းထန်သည်ဟုဒေသခံများကပြောသည်။ဇွန်လ ၅ ရက်နံနက်ကလည်းဖားကန့်မြို့အနီး တနိုင်းမြို့တွင် ရစ်ခ်တာစကေး ၄ဒဿ
မ၄ အဆင့် ငလျင်လှုပ်ခဲ့သည်။
ဖားကန့်၌ ယနေ့ည ပေါက်ကွဲမှုသည် စစ်ကောင်စီက တပ်မကုန်းဘက်မှ လက်နက်ကြီးဖြင့်ပစ်ခတ်ခြင်းဟု ဒေသခံများကပြောသည်။သို့သော်လည်း သီးခြားအတည်ပြုနိုင်ခြင်းမရှိသေးပေ။
လက်နက်ကြီးတည့်တည့်ထိမှန်သည့် အိမ်မှ က
လေးငယ်အပါအဝင် မိသားစုလိုက်သေဆုံးသည်ဟု ကနဦးသတင်းရရှိသည်။ ကလေးငယ်အပါ
အဝင် ရုပ်အလောင်း ၈ လောင်း တွေ့ရှိသည်ဟုဒေသခံအချို့ကဖေစ်ဘွခ်တွင်ရေးသားထားသည်။
စစ်ကောင်စီကလမ်းများပိတ်ဆို့ထား၍ လူမှုကူညီရေးကားများ မရောက်လာနိုင်ဘဲ အနီးပတ်ဝန်း
ကျင်မှဒေသခံအချင်းချင်း ကူညီကယ်ဆယ်ရေးလုပ်ဆောင်ခဲ့ရသည်ဟုသတင်းရရှိသည်။
ရုပ်သံ-ဒေသခံ