ထိုင်း-မြန်မာနယ်စပ်မှာ စစ်ကောင်စီတပ်စခန်း ၅ ခုသာ ကျန်ရှိတော့
ဧရာဝတီတိုင်းမ်
ဇွန် ၃ ရက်
ကရင်ပြည်နယ်၊ မြဝတီမြို့၊ ထိုင်း-မြန်မာနယ်စပ်ရှိ စစ်ကောင်စီရဲ့ သေ့ဘောဘိုးတပ်စခန်းကုန်းကို ကရင်အမျိုးသားလွတ်မြောက်ရေးတပ်မတော် (KNLA) ပူးပေါင်းတပ်မှ Federal Wings ဒရုန်းတပ်နဲ့ ပူးပေါင်းကာ ဒရုန်းတွေနဲ့ တိုက်ခိုက်ခဲ့ကြတယ်လို့ သိရပါတယ်။
တည်းဖြတ်/ထုတ်လုပ် – ဧရာဝတီတိုင်းမ်
နယ်စပ်ကိုချဉ်းကပ်ခဲ့တဲ့မြန်မာစစ်လေယာဉ်ကြောင့်ထိုင်းကF-16တိုက်လေယာဉ်တွေစေလွှတ်
ဇွန်-၃၊၂၀၂၅။People’s Spring
မြန်မာ စစ်လေယာဉ်တစ်စီးနယ်ကျော်ဝင်ရောက်
လာမှုကို တားဆီးဖို့ ထိုင်းတော်ဝင်လေတပ်ဟာ F-16 တိုက်လေယာဉ်နှစ်စီးကိုစေလွှတ်ခဲ့ရတယ်လို့ သိရပါတယ်။
ဇွန်လ ၃ ရက်နေ့က မြန်မာ စစ်လေယာဉ်ဟာ တက်ခ်ပြည်နယ်ရဲ့ ဖော့ဖရား ခရိုင်နဲ့ ထိစပ်ရာ နယ်စပ်ဆီ အရမ်း နီးနီးကပ်ကပ် ချဉ်းကပ် ပျံသန်းလာတဲ့နောက် နာခွန်ဆာဝမ် ပြည်နယ်ထဲက လေတပ်စ
ခန်း တစ်ခုမှာအခြေစိုက်ထားတဲ့ F-16တွေ အရေးပေါ် ပျံတက်ခဲ့ရတာလို့ ဆိုပါတယ်။
မြန်မာ စစ်လေယာဉ်ဟာ ကရင်ပြည်နယ်၊ မြဝတီမြို့မှာအခြေစိုက်တဲ့ စစ်စခန်းတွေအတိုက်ခံရလို့လေကြောင်းပစ်ကူ ပေးနေခဲ့တာလို့ သိရပါတယ်။ ထိုင်း-မြန်မာ နယ်စပ်နားမှာတော့ အာဏာသိမ်း စစ်ကောင်စီ လက်အောက်ခံ တပ်တွေဟာ ကရင် အမျိုးသား လွတ်မြောက်ရေးတပ် (KNLA)ရဲ့ ပြင်းပြင်းထန်ထန် စစ်ဆင် တိုက်ခိုက်မှုတွေနဲ့ ကြုံနေရပါတယ်။
မြဝတီ-ဝေါ်လေလမ်းပိုင်းက သေဘောဘိုးတပ်စခန်းကို KNLA ဦးဆောင်တဲ့ပူးပေါင်းတပ်တွေကသိမ်းပိုက်ဖို့ ထိုးစစ်ဆင်တဲ့တိုက်ပွဲဟာ ဒီနေ့မှာ ပြင်းထန်နေတယ်လို့ သိရပါတယ်။
KNLAနဲ့ မဟာမိတ်တွေက စစ်ကောင်စီကို မြေပြင်က ထိုးစစ်ဆင်နေသလိုဒရုန်းတွေပါအသုံးပြု ဗုံး
ကြဲနေပြီး စစ်ကောင်စီက လက်နက်ကြီးတွေ၊ လေ
ကြောင်းတိုက်ခိုက်မှုတွေနဲ့ တုံ့ပြန်နေပါတယ်။
ထိုင်းစစ်တပ် သတင်းအရင်းအမြစ်တွေရဲ့အဆိုအရမြဝတီမြို့နယ်ထဲမှာ နယ်စပ် စစ်စခန်း ၄ ခုလောက်ကို စစ်ကောင်စီဖက်က ကျားကုတ်ကျားခဲ ခုခံ ထိန်းသိမ်းထားဆဲလို့ သိရပါတယ်။ ကျန်တဲ့ စခန်းတွေကတော့ ကရင် တော်လှန်ရေး တပ်တွေလက်ထဲ ကျရောက်ခဲ့ပြီးပါပြီ။
မြဝတီက စစ်ရေး ပဋိပက္ခတွေဟာ အခုဆိုရင် သီတင်းပတ်တွေနဲ့ချီ ကြာမြင့်လာပြီ ဖြစ်ပြီး သက်ကြီးရွယ်အိုတွေ၊ အမျိုးသမီးတွေနဲ့ ကလေးတွေ အပါအဝင် စစ်ရှောင် ၅၀၀ ကျော်လောက်ဟာ ထိုင်းဖက်ကို ထွက်ပြေး တိမ်းရှောင်ခဲ့တယ်လို့ ထိုင်းအာဏာပိုင်တွေက ပြောပါတယ်။ တစ်ချိန်တည်းမှာပဲ ထိုင်းနယ်ခြားစောင့် တပ်ဖွဲ့နဲ့ စစ်တပ်ဟာ နယ်စပ်တလျှောက်မှာ လုံခြုံရေး တိုးမြှင့် ချထားကြောင်းလည်း သိရပါတယ်။
ကိုးကား: Thai PBS
ရုပ်သံ-Addy Chaiyadech