စသုံးလုံးအရာရှိများပါသောကားကို ရန်ကုန်-မော်လမြိုင်ကားလမ်းပေါ်တွင်PDFများတိုက်ခိုက်
■နှစ်ဦးသေပြီး တစ်ဦးဒဏ်ရာရဟုPDFပြော
မတ်-၂၆၊၂၀၂၅။ရဲခေါင်/People’s Spring
စစ်ကောင်စီ၏ အထူးစုံစမ်းစစ်ဆေးရေးဌာန (စသုံးလုံး)အရာရှိ အပါအဝင် ရဲသုံးဦးကို ရန်ကုန်-
မော်လမြိုင်ကားလမ်းပေါ် ၌ ပစ်ခတ်တိုက်ခိုက်ခဲ့ကြောင်းပြည်သူ့ကာကွယ်ရေးတပ်မတော်တပ်ရင်း (၇၈၀၅) တပ်ခွဲ (၄ )က ယနေ့ ထုတ်ပြန်သည်။
ကျိုက်ထိုမြို့နယ် ၊ ကြာဖြူကျေးရွာထိပ်-ခမိတ်အစိုးရ ရာဘာခြံအနီး တွင် ကျိုက်ထိုမြို့နယ် စုံ
စမ်းစစ်ဆေးရေးဦးစီးဌာန( စစစ)မှစုံမှုးအပါဝင်
၃ ဦးအားမတ်လ ၂၃ ရက်ညနေပိုင်းတွင်ပစ်ခတ်တိုက်ခိုက်ခဲ့ခြင်းဟု အသိပေးသည်။
စုံစမ်းစစ်ဆေးရေးမှူးသူရစိုးမှာဒဏ်ရာရရှိခဲ့ပြီး ၊
ဒုစုံစမ်းစစ်ဆေးရေးမှူးမင်းသူ နှင့် လက်ထောက်
စုံမှူးမျိုးသန့် တို့မှာနေရာတွင်ပွဲချင်းပြီးသေဆုံးခဲ့ကြောင်းဖော်ပြသည်။
PDF တပ်ရင်း-၇၈၀၅ ၊ တပ်ခွဲ – ၄ ၊ UGနှင့် ကျိုက်
ထို ပကဖ မှပူးပေါင်းအဖွဲ့မှရဲဘော်များအထိခိုက်မရှိအောင်မြင်စွာပြန်လည်ဆုတ်ခွာနိုင်ခဲ့ကြောင်းသိရသည်။
“ကျနော်တို့တွေအခက်ခဲပေါင်းများစွာ ကြားထဲက
ဖော် ဆောင်ရတာ ဖြစ်တဲ့ အတွက် ပြည်သူလူထု
ကိုလဲစစ်ကောင်စီ ရဲ့ပတ်သက်သော နေရာ ပတ်ဝန်း ကျင် များကို သတိ ထား သွား လာကြဖို့ရယ်
နောက်ထပ် mission တွေ နဲ့ ဖော်ဆောင်မူ့ တွေ လုပ်နိုင်ဖို့ ဝိုင်းဝန်းကူညီပေးကြပါအုန်းပြောကြား
လိုပါတယ်ခဗျ”ဟုPDFတပ်ရင်း(၇၈၀၅) တပ်ခွဲ
(၄ )မှတာဝန်ရှိသူကပြောသည်။
စစ်ကောင်စီ၏လူမဆန်သောလုပ်ရပ်များကိုစိတ်ရော ကိုယ်ပါတက်ကြွစွာ လုပ်ကိုင်နေသည့် အုပ်
ချုပ်ရေးမှူး၊ရာအိမ်မှူး အစရှိသည့် စစ်ကောင်စီယန္တရားလည်ပတ်နိုင်ရေးကြိုးပမ်းနေသူများအား
လုံးကို ရှင်း လင်းသွားမည်ဟု တပ်ရင်း (၇၈၀၅) တပ်ခွဲ ၄ က ထုတ်ပြန်ထားသည်။
ပြည်သူ့ကာကွယ်ရေးတပ်မတော်တပ်ရင်း ၇၈၀၅ တပ်ခွဲ( ၄ )သည် မွန်ပြည်နယ် ကျိုက်ထို နှင့် ဘီးလင်း မြို့နယ်တို့ကို အဓိကထား၍ စစ်ရေးလှုပ်
ရှားမှုများ ပြုလုပ်နေသည်။
(ရန်ကုန်-မော်လမြိုင်လမ်းပေါ်တွင် စသုံးလုံးအရာ
ရှိများ၏ ကားကို PDF များတိုက်ခိုက်စဥ်။
ဓါတ်ပုံ-PDF တပ်ရင်း ၇၈၀၅ ၊တပ်ခွဲ (၄) )