ဘောလခဲမြို့မှာ တိုက်ပွဲတွေအချိန်မရွေးဖြစ်နိုင်လို့ ပြည်သူတွေ ၁၀ရက်အတွင်းရွေ့ပြောင်းရန် ကရင်နီတပ်ပေါင်းစု သတိပေး
ရဲခေါင်/People’s Spring
ကရင်နီပြည်နယ်၊ဘောလခဲမြို့ပေါ်မှာ အချိန်မရွေးတိုက်ပွဲတွေဖြစ်လာတဲ့နိုင်ပြီး ဒေသခံပြည်သူတွေအနေနဲ့ ၁၀ ရက်အတွင်းရွေ့ပြောင်းကြဖို့ ကရင်နီတော်လှန်ရေးတပ်ပေါင်းစုက သတိပေးလိုက်ပါတယ် ။
ကရင်နီတပ်မတော်(KA )၊ကရင်နီပြည်သူ့လွတ်
မြောက်ရေးတပ်မတော် ၊ကရင်နီအမျိုး သားများကာကွယ်ရေးတပ်(KNDF) နဲ့ ဘောလခဲ မြို့နယ်ပြည်သူ့ကာကွယ်ရေးတပ် တို့ကအချက် ၄ ချက်ပါတဲ့ ပူးတွဲထုတ်ပြန်ချက်ကိုဖေဖော်ဝါရီလ၂ရက်နေ့
မှာ ထုတ်ပြန်တာဖြစ်ပါတယ်။
“မြေပြင်စစ်ဆင်ရေးလိုအပ်ချက်အရ ထုတ်ပြန်တာ ဖြစ်ပါတယ်။အဲဒီတော့ တော်လှန်ရေးတပ်ဖွဲ့တွေဘက်က ပြည်သူတွေကို စစ်ကောင်စီရှိနေတဲ့ ဘောလခဲ မြို့ကို ဝင်ထွက်သွားလာတာမလုပ်ဖို့ မေတ္တာရပ်ခံတာမျိုးပါ။စစ်ဆင်ရေးတွေကပြင်း
ထန်လာနိုင်တာမျိုးရှိတယ်”လို့ကရင်နီအမျိုးသားများကာကွယ်ရေးတပ် KNDF တာဝန်ရှိသူက လူ
ထုနွေဦးကိုပြောပါတယ်။
စစ်ကောင်စီတပ်စခန်းတွေနား မသွားကြရန် ၊စစ်ကောင်စီရဲ့ ယန္တရားထောက်တိုင်တွေနဲ့ မပတ်သတ်မပူးပေါင်းကြရန် ၊ Non CDM ၀န်ထမ်း၊ စစ်မှု
ထမ်းဟောင်းတွေ ရပ်ကွက်အြပ်ချုပ်ရေးမှူးများအနေ နဲ့ စစ်ကောင် စီရဲ့ ယန္တရား လည်ပတ်မှုမှာ မပါဝင်ကြရန် ၊စစ်ကောင် စီတပ်စခန်းအနီးမသွားရန်ဖို့ ပူးတွဲထုတ်ပြန်ချက်မှာသတိပေးထားပါတယ် ။
ဒါအပြင် ပူးပေါင်းတပ်ကပြည်သူတွေကိုမြို့ကနေရှောင်ရှားကြဖို့ ထုတ်ပြန်တဲ့ ဖေဖော်ဝါရီ ၂ ရက်ကနေ ၁၀ ရက်အတွင်း ရှောင်ရှားကြရန် နဲ့ ရှောင်ရှားခြင်းမရှိပါက ဖြစ်ပေါ်လာမယ့် နောက် ဆက်တွဲ ကိစ္စများကို တော်လှန်ရေးတပ်ပေါင်းစုက ဖြေရှင်းပေးမှာမဟုတ်ဘူးလို့သတိပေးထားပါတယ်။
ကရင်နီတော်လှန်ရေးတပ်ပေါင်းစုရဲ့တာဝန်ရှိသူတဦးကလည်း “ပြည်သူတွေ ထိခိုက်မှာ မလိုချင်လို့ပဲ။တိုက်ပွဲကတော့ ထုတ်ပြန်စာအတိုင်း အချိန်မရွေးဖြစ်လာနိုင်တယ်”လို့ လူထုနွေဦးကိုပြောပါတယ်။
လက်ရှိ ဘောလခဲမြို့နယ်မှာစစ်ကောင်စီတပ်က စစ်အင်အား ရိက္ခာနဲ့ ဆေးဝါးများဆက်တိုက်ဖြည့်တင်းနေတယ်လို့ဆိုပါတယ် ။ဒါကြောင့်နှစ်ဖက်
ထိတွေ့တိုက်ပွဲတွေအချိန်မရွေးဖြစ်ပွားနိုင်တယ်လို့ ကရင်နီပူးပေါင်းတပ်ကအသိပေးထားပါတယ်။
“ဘောလခဲ က တပ်မြို့လို့ပြောရတယ်။စစ်အခြေ
ချ ဗျူဟာပါရှိတာဆိုတော့ စကစ အသိုင်းအဝိုင်းများ တယ်။သိရသလောက် ဘောလခဲ ကို စကစ ဘက်က စစ်ပြင်တာ ပြီးခဲ့တဲ့ လကတည်းက “လို့ ကရင်နီဒေသခံ စစ်ရေးသတင်းရင်းမြစ်တဦးကဆိုပါတယ် ။
ဘောလခဲမြို့မှာ စစ်ကောင်စီတပ်ရဲ့ အခြေချစစ်ဗျူဟာ ၊ခမရ (၄၂၉)၊ခမရ (၄၃၀) နှင့် ခလရ (၃၃၇)တို့ရှိပါတယ်။ဒါအပြင် ရှမ်းပြည်နယ်အခြေစိုက် စစ်ဆင်ရေးကွပ်ကဲမှုဌာနချုပ် (စကခ -၂)လက် အောက်ခံတပ်ရင်းအချို့ကိုပါ အင်းအားထပ်ဖြည့်ထားပါတယ် ။
ဘောလခဲမြို့နယ်မှာ ၂၀၂၀ ခုနှစ် အထွေထွေအုပ်ချုပ်ရေးဦးစီးဌာန၏ စာရင်းအရ လူဦးရေ ၈,၀၈၉ ဦးနေထိုင်ပါတယ် ။
ဘောလခဲမြို့နယ်မှာ အရေးပါတဲ့ စစ်ကောင်စီတပ်ရဲ့ မယ်စလောင်းတောင် စခန်း၊ရေကျော်စခန်း နဲ့ ထူးချောင်းစခန်းကုန်း သုံးခုကို ကရင်နီတပ်ပေါင်းစုက ၂၀၂၄ နှစ်လယ်ပိုင်းကစပြီး သိမ်းပိုက်နိုင်ခဲ့ပါတယ်။ တို့ပါဝင်သည်။ကျန်ရှိနေသေးတဲ့ (၁၂)မိုင် စခန်းကုန်းနဲ့ ဝမ်မလန်း စခန်းကုန်းတွေ မကျဖို့စစ်တပ်က လေကြောင်း ပစ်ကူရယူ၍ ခုခံနေဆဲဖြစ်ပါတယ်။
ဒါအပြင် ဇန်နဝါရီ ၁၂ ရက်နေ့ကဘောလခဲမြို့
နယ်၊ မိုင်းထမ်းကျေးရွာ နဲ့ ဝမ်မလန်းကျေးရွာကြားကိုစစ် ကြောင်းထွက်လာတဲ့ စစ်ကောင်စီတပ်ဖွဲ့ကို ကရင်နီ တော်လှန်ရေးတပ်တွေက မိုင်းဆွဲတိုက်
ခိုက်ခဲ့ပါတယ်။ စစ်ကောင်စီတပ်ဖွဲ့ဝင် ၁၀ ဦးကျော်သေဆုံးပြီးတော့ လက်နက်၄ လက်သိမ်းဆည်းရရှိခဲ့တယ်လို့ KNDF က ထုတ်ပြန်ခဲ့ပါတယ်
(ကရင်နီ တပ်ပေါင်းစု/ ဇန်နဝါရီလအတွင်း တိုက်
ပွဲအခြေအနေပြမြေပုံ နဲ့ ကရင်နီတပ်ပေါင်းစုထုတ်ပြန်ချက်။ဓါတ်ပုံ-KNDF၊CJ)