MYIA MM

မိုးဗြဲမြို့၌ တိုက်ပွဲပြင်းထန်နေ၊ စစ်ကောင်စီလေကြောင်း အလွန်အကျွံသုံး တိုက်ခိုက် ရဲခေါင်/People’s Spring ရှမ်း – ကရင်နီပြည်နယ်အစပ် မိုးဗြဲမြို့၌ တိုက်ပွဲပြင်းထန်နေပြီး စစ်ကောင်စီက လေကြောင်းတိုက်ခိုက်မှု အလွန်အကျွံအသုံးပြုနေကြောင်း ကရင်နီအမျိုးသားများကာကွယ်ရေးတပ်(KNDF) တာဝန်ရှိသူက လူထုနွေဦးသို့ ပြောသည်။ မိုးဗြဲမြို့ကို ပြန်လည်ထိန်းချုပ်နိုင်ရေးအတွက် စစ်ကောင်စီ၏ ထိုးစစ်ရက်ပေါင်း ၆၀ကျော် အတွင်း ယမန်နေ့(ဖေဖော်ဝါရီ ၅ရက်)တွင် လေကြောင်းမှ တိုက်ခိုက်မှုအကြိမ်ရေအများဆုံးဟု ကရင်နီစစ် ဘက်သတင်းရင်းမြစ်အချို့​ကလည်း ဆိုသည်။ “မိုးဗြဲမှာ မနေ့က တိုက်ပွဲတွေ ပြင်းထန်ခဲ့တယ်။ဒီနေ့ (ဖေဖော်ဝါရီ ၆ ရက်)အထိလည်း စစ်ရေးတင်းမာမှုတွေရှိနေတုန်းပဲ။စစ်ကောင်စီဘက်က လေကြောင်းတိုက်ခိုက်မှုကိုအဆမတန် အသုံးပြုတယ်။အကြိမ်ပေါင်းများစွာလုပ်ခဲ့တယ်”ဟု KNDF တာဝန်ရှိသူက ပြောသည်။ ယမန်နေ့က စစ်ကောင်စီ၏ လေကြောင်းတိုက်ခိုက်မှုတွင် Y 12၊ဂျက်ဖိုက်တာနှင့် ကင်းထောက်လေယာဥ်များစွာ အသုံးပြုခဲ့ကြောင်းလည်း ကရင်နီစစ်ဘက်သတင်းရင်းမြစ်က အသိပေးသည်။ “နေ့လည်ပိုင်းကတည်း​…

ရန်ကုန်-မန္တလေး အမြန်လမ်းတွင် ခရီးသွား လူငယ်များကို စစ်မှုထမ်းရန်ဟုဆိုကာ စစ်တပ်က ဖမ်းဆီးထား ရန်ကုန်၊ ဖေဖော်ဝါရီ ၆ ရန်ကုန်-မန္တလေး အမြန်လမ်းတွင် ခရီးသွား လူငယ်အမျိုးသား များကို စစ်မှု ထမ်း ရန်ဟုဆိုကာ စစ်တပ်က ဖမ်း ဆီး ထားကြောင်း ဖမ်းဆီးခံရသည့် လူငယ်များ၏ မိဘဆွေမျိုးများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဖေဖော်ဝါရီလ ၄ ရက်နေ့ ညနေ ၂ နာရီ ၄၀ မိနစ်အချိန် ပဲခူးတိုင်း၊ ရေတာရှည်မြို့နယ်၊ ဆွာမင်းလမ်းကျေးရွာအုပ်စု၊ စည်ပင်အေးကျေးရွာနေ ဦးမင်းသောင် ၏ သားဖြစ်သူ မောင်ကျော်ဇင်သက်နှင့် ဦးဌေးလွင်၏ သားဖြစ်သူ မောင်ရဲမင်းအောင် အပါအဝင် လူ ၅ ဦးသည် ပရိုဘောက်ကား 9E/2970 ဖြင့် ပဲခူးမင်္ဂလာ ဆောင်မှ…

ထိုင်းကမီးစဖြတ်တဲ့​နေ့ People’s Spring မြန်မာဘက်ခြမ်းမှ ကျားဖြန့်လုပ်ငန်း​တွေကို ထိန်းချုပ်ရန်ဖို့ ထိုင်းဘက်ကလျှပ်စစ်မီးအပြင် အင်တာနက်လိုင်းနဲ့ စက်သုံးဆီပေးပို့တာတွေကို ဖြတ်တောက်မယ်လို့ ထိုင်းအစိုးရက ​ဖေ​ဖော်ဝါရီ ၄ ရက်မှာ ဆုံးဖြတ်ခဲ့ပါတယ်။ -​ဖေ​ဖော်ဝါရီ ၅ ရက်နံနက် ကစ၍ ထိုင်းအစိုးရက မြဝတီမြို့နယ်က နှစ်နေရာ၊ မွန်ပြည်နယ်က တစ်နေရာနဲ့ ရှမ်းပြည်နယ်အရှေ့ပိုင်း တာချီလိတ်မြို့နယ်ထဲက နှစ်​​နေရာတို့ကို မီး​ပေးတာကိုဖြတ်​တောက် လိုက်ပါတယ်။ မီးဖြတ်ခံရပြီး မြဝတီမြို့ရှိ ဆေးရုံနဲ့ အောက်ဆီဂျင်စက်ရုံလည်ပတ်မှုရပ်ဆိုင်းပြီး လုပ်ငန်း​တွေ စတင်ထိခိုက်ခဲ့တယ်လို့မြို့ခံ​တွေ​ပြောပါတယ်။ စက်သုံးဆီပါဖြတ်​တောက်ခံရမှာစိုးလို့ ပြည်သူ​တွေ တိုး​ဝှေ့ဝယ်ယူ​ခဲ့ကြပါတယ်။ မီးဖြတ်တောက်လိုက်​ပေမယ့် အင်းကြင်းမြိုင်ဒေသရှိ KK Parkမှာ​တော့ ​ဖေ​ဖော်ဝါရီ ၅ ရက်ညဦးပိုင်းမှာ မီးစက်​တွေနှိုးပြီး မီးလင်း​နေပါတယ်။ 𝗣𝗲𝗼𝗽𝗹𝗲’𝘀 𝗦𝗽𝗿𝗶𝗻𝗴 မီးဖြတ်လိုက်လို့ တရားမဝင်လုပ်ငန်းတွေမှာပါဝင်တယ်လို့ စွပ်စွဲလို့မရတော့ဟု ထိုင်းပြော ~~~ ■…

စစ်မှုထမ်းရန် အကျုံးဝင်သည့် အသက် ၁၈ နှစ်မှ ၃၅ နှစ်အတွင်း အမျိုးသားများအားလုံးကို ပြည်ပအလုပ်အကိုင်အတွက် ပထမဆုံးအဆင့်ဖြစ်သည့် ပြည်ပအလုပ်အကိုင်လမ်းညွှန်သင်တန်း တက်ရောက်ခွင့် စစ်ကောင်စီက တရားဝင် ပိတ်ပင် ရန်ကုန်၊ ဖေဖော်ဝါရီ ၆ စစ်မှုထမ်းရန် အကျုံးဝင်သည့် အသက် ၁၈ နှစ်မှ ၃၅ နှစ်အတွင်း အမျိုးသားများအားလုံးကို ပြည်ပသို့ သွားရောက် အလုပ်လုပ်ရန် ပထမဦးဆုံးလုပ်ဆောင်ရသည့် ပြည်ပအလုပ်အကိုင်လမ်းညွှန်သင်တန်း တက်ရောက်ခွင့် စစ်ကောင်စီက တရားဝင် ပိတ်ပင်လိုက်ကြောင်း ရန်ကုန်အခြေစိုက် ပြည်ပအလုပ်အကိုင်အေဂျင်စီများက ပြောဆိုသည်။ ယခုဖေဖော်ဝါရီလဆန်းပိုင်းအတွင်း ပြည်ပနိုင်ငံများသို့ သွားရောက်ရန် ပထမဦးဆုံး လုပ်ရသည့် အလုပ်သမားဝန်ကြီးဌာနက ဖွင့်လှစ်သည့် ပြည်ပအလုပ် အကိုင်လမ်းညွှန်သင်တန်းတက်ရောက်ရန်အတွက် လူပေါင်း ရာချီ တင်ပြခဲ့ရာတွင် ၁၄၂ ဦးကို ငြင်းပယ်ခဲ့ကြောင်း၊ ငြင်းပယ်ခံရသူများတွင် အသက်…

နေပြည်တော်စစ်ရုံးပင် ဆိုလာဓာတ်အားပေးစနစ်သုံးနေရပြီး လုပ်ငန်းရှင်များအားလုံး ဆိုလာစနစ်သုံး လျှပ်စစ် ထုတ်ယူသုံးစွဲကြရန် စိုးဝင်း ညွှန်ကြား 🟥 ဆိုလာပြားနှင့်ဓာတ်အားထုတ်စက်များကို မင်းအောင်လှိုင်သားနှင့်ဗိုလ်ချုပ်အသိုင်းအ၀ိုင်းက တင်သွင်းချုပ်ကိုင်ထား ရန်ကုန်၊ ဖေဖော်ဝါရီ ၆ နေပြည်တော်စစ်ရုံးပင် ဆိုလာဓာတ်အားပေးစနစ်သုံးနေရပြီး လုပ်ငန်းရှင်များအားလုံး ဆိုလာစနစ်သုံး လျှပ်စစ်ဓာတ်ထုတ်ယူသုံးစွဲကြရန် ဒုစစ်ခေါင်းဆောင် စိုးဝင်းက ညွှန်ကြားလိုက်သည်။ ယမန်နေ့ နေပြည်တော်တွင် ပြုလုပ်သည့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး MSME ထုတ်ကုန် ပြပွဲနှင့် ပြိုင်ပွဲ ကျင်းပရေး လုပ်ငန်းအစည်းအဝေးတွင် အကြမ်းဖက် စိုးဝင်းက အထက်ပါအတိုင်း ပြောဆိုခြင်းဖြစ်သည်။ အသေးစား၊ အငယ်စားနှင့်အလတ်စား စီးပွားရေးလုပ်ငန်းရှင်များက လျှပ်စစ်ရရှိရေးအတွက် တင်ပြချက်များ ရရှိကြောင်း၊ လျှပ်စစ်ဓာတ်အားရရှိရေးအတွက် အသိပညာပေးလိုသည်မှာ နေပြည်တော်ရှိ ကာကွယ်ရေးဦးစီးချုပ်ရုံးအတွင်း ၂၀ မဂ္ဂါဝပ်ရှိ ဆိုလာဓာတ်အားပေးစနစ်ကို လွန်ခဲ့သည့်…

ဇန်နဝါရီလအတွင်း ရန်ကုန်၌ စစ်ကောင်စီက ပြည်သူလေးရာကျော်ကို ဖမ်းဆီးခဲ့ဟု RSN ဆို သတိုး/People’s Spring ရန်ကုန်မြို့၌ ဇန်နဝါရီလအတွင်း စစ်ကောင်စီ၏ စစ်မှုထမ်းအကြောင်းပြဖမ်းဆီးမှုအပါအဝင် အတင်းအကျပ်ဖမ်းဆီးသည့် ဖြစ်စဉ် နှစ်ရာခန့်ရှိခဲ့ပြီး ပြည်သူလေးရာကျော် ဖမ်းဆီးခံခဲ့ရကြောင်း ရန်ကုန်မြေပြင်သတင်းများကိုဖော်ပြပေးနေသည့် Rangon Scout Network က အသိပေးထားသည်။ “ပြီးခဲ့လလိုပဲ အဖမ်းအဆီးဖြစ်စဉ်တွေ များနေဆဲပဲဗျ။ လမ်းမပေါ် လိုက်ဆွဲတာတွေ၊ ဧည့်စစ်ပြီး ဖမ်းခေါ်တာတွေ အပြင်ကို စစ်မှုထမ်းစာရင်းစာရွက်ကိုင်ပြီး လိုက်ဖမ်းခေါ်တာတွေ ဒီလမှာ ပိုလာတယ်။” ဟု RSN မှတာဝန်ရှိသူတစ်ဦးက လူထုနွေဦးသို့ပြောသည်။ ဇန်နဝါရီလအတွင်း ဖမ်းဆီးသည့်ဖြစ်စဉ် ၂၀၀ အနက် ၁၄၇ ခုကိုအတည်ပြုနိုင်ခဲ့ပြီး ၅၃ ခုကို အတည်မပြုနိုင်ကြောင်း RSN ကဆိုသည်။ အတည်ပြုနိုင်သည့်ဖြစ်စဉ်များတွင် ဖမ်းဆီးခံရသူ ၄၇၅ ဦးရှိကာ…

ပွင့်ဖြုမြို့နယ်၊ ကြီးအုံကြီးဝဆည်အနီးတိုက်ပွဲဖြစ် တာရာ/People’s Spring မကွေးတိုင်း၊ပွင့်ဖြူမြို့နယ်အတွင်းရှိ ကြီးအုံကြီးဝ ဆည်အနီး စစ်ကောင်စီတပ်နှင့် ဒေသခံကာ ကွယ်ရေးတပ်တို့ကြား ယနေ့(​ဖေ​ဖော်ဝါရီ၅ရက်​နေ့ ) ညနေပိုင်းမှ စတင်ပြီး တိုက်ပွဲပြင်းထန်နေကြောင်း ဒေသခံများထံမှသိရသည်။ အင်အား ၁၀၀ ခန့်ရှိသည့် စစ်ကောင်စီတပ်သည် ​ဖေ​ဖော်ဝါရီ ၅ ရက်​နေ့ ညနေ ၃ နာရီခန့်တွင် ရုန်းပင်ရွာမှ ဆည်တမံဘက်ကို စစ်ကြောင်းထိုးလာခြင်းကြောင့် ကာကွယ်ရေးတပ်များနှင့်တိုက်ပွဲဖြစ်ပွားခဲ့ခြင်းဖြစ်သည်။ “မနေ့ကတည်းက စစ်ကြောင်းထိုးလာလို့ ဒေသခံတွေက စစ်ရှောင်နေကြရတယ်။ သူတို့က ပုသိမ်-မုံရွာလမ်းကနေ ဆည်ဘက်ကို စစ်ကြောင်းထိုးလာရင်းတိုက်ပွဲဖြစ်နေကြတာလေ။ ညမိုးချုပ်အထိ တိုက်ပွဲဖြစ်နေဆဲပဲ”ဟု ဒေသခံတစ်ဦးကပြော သည်။ စစ်ကောင်စီစစ်ကြောင်းက ဖေဖော်ဝါရီ ၄ ရက် ပုသိမ်-မုံရွာလမ်းရှိ PDF ဂိတ်ကို ဝင်ရောက်တိုက်ခိုက်ပြီး ရုန်းပင်ရွာကို စစ်ကြောင်းဝင်ရောက်လာခြင်းဖြစ်သည်။ ထိုစစ်ကြောင်းကြောင့် ရုန်းပင်း၊ ရေရင်၊…

သေဒဏ်ကျမယ့် အတူတူ လက်နက်လုယူ ပြန်လည်တိုက်ခိုက် ထွက်ပြေးခဲ့လို့ လွတ်မြောက်လာတဲ့ နိုင်ငံရေးအချုပ်သား ၃ ဦး ကို ရေဘီလူးအဖွဲ့က ကယ်ထုတ်ပြီး လွတ်မြောက်နယ်မြေသို့ ပို့ဆောင် ရန်ကုန်၊ ဖေဖော်ဝါရီ ၅ မွန်ပြည်နယ် ရေးမြို့နယ် မြိုမရဲစခန်းမှ ရဲများနှင့် တိုက်ခိုက်၍ ထွက်ပြေးလာသည့် နိုင်ငံရေးအချုပ်သားများကို ကယ်ထုတ်၍ လွတ်မြောက်နယ်မြေသို့ ပို့ဆောင်ပေးခဲ့ကြောင်း ရေးဘီလူးအဖွဲ့ခေါင်းဆောင်က ရန်ကုန်ခေတ်သစ်သတင်းဌာနသို့ ပြောကြားသည်။ ဖေဖော်ဝါရီလ ၄ ရက်နေ့တွင် မြို့မရဲစခန်း အချုပ်ခန်းကို ဖောက်၍ ထွက်ပြေးလာနိုင်သည့် နိုင်ငံရေး အချုပ်သား ၃ ဦးကို ရေးဘီလူးအဖွဲ့က ကယ်ထုတ်နိုင်ခဲ့ခြင်းဖြစ်ကြောင်း ၊ နိုင်ငံရေး အချုပ်သားများနှင့် အကြမ်းဖက်ရဲများတိုက်ခိုက်ရာတွင် အကြမ်းဖက် ဒုရဲအုပ် ၁ ဦးအပါအဝင် ရဲ ၃ ဦး သေဆုံး၍…

မြန်မာတော်လှန်ရေးအင်အားစုများနှင့်တွေ့ဆုံပြီးနောက် ဂျပန်နိုင်ငံခြားရေးဒုဝန်ကြီး က လူသားချင်းစာနာထောက်ထားမှုအကူအညီများ ပေးအပ်မည်ဟု ကတိပြု ရန်ကုန်၊ ဖေဖော်ဝါရီ ၅ မြန်မာတော်လှန်ရေးအင်အားစုများနှင့်တွေ့ဆုံပြီးနောက် ဂျပန်နိုင်ငံခြားရေးဒုဝန်ကြီး က လူသားချင်းစာနာထောက်ထားမှုအကူအညီများ ပေးအပ်မည်ဖြစ်ကြောင်း ကတိပြုပြောဆိုလိုက်သည်။ ဂျပန်နိုင်ငံ ၊နိုင်ငံခြားရေးဝန်ကြီးဌာန ဒုတိယဝန်ကြီး Mr. Jiyaji Takuma က ဂျပန်ရောက် နွေဦးတော်လှန်ရေးဘက်တော်သား မြန်မာနိုင်ငံသားများ နှင့်တွေ့ဆုံပြီး လူသားချင်းစာနာထောက်ထားမှုအကူအညီများပေးအပ်သွားမည်ဟု ကတိပြုခဲ့ ကြောင်း ဂျပန်နိုင်ငံခြားရေးဝန်ကြီးဌာနက တရားဝင်သတင်းထုတ်ပြန်သည်။ ဖေဖော်ဝါရီလ ၄ ရက်နေ့ ညနေ ၄ နာရီ ၂၀ မိနစ်အချိန် ဂျပန်နိုင်ငံ ဒုတိယနိုင်ငံခြားရေးဝန်ကြီး Mr. Miyaji Takuma သည် ဂျပန်နိုင်ငံရောက် မြန်မာနိုင်ငံသားများနှင့် မိနစ်၂၀အကြာ ရင်းနှီးလေးစားစွာ လက်ခံ တွေ့ဆုံခဲ့ကြောင်း၊ ယင်းဆွေးနွေးပွဲတွင် မြန်မာနိုင်ငံတွင်အာဏာသိမ်းခံရပြီးနောက် ၄ နှစ်တာကာလ…

တောင်သာ ဗုံးကြဲမှု ဗိုလ်မှူးကြီးဟောင်း နဲ့ စစ်​ကောင်စီညွှန်ချုပ်ပိုင် စျေးဆိုင် မီးလောင် ၊စစ်တပ်က ပစ္စည်းများလာသယ်သွား ရှိန်း/People’s Spring မန္တလေးတိုင်း၊ တောင်သာမြို့နယ်မှာ ဗိုလ်မှူးကြီးဟောင်း နဲ့ ညွှန်ကြားရေးမှူးချုပ်တို့ပိုင်တဲ့ ကုန်စုံ ဆိုင်တစ်ဆိုင် စစ်တပ်ရဲ့လေကြောင်းတိုက်ခံခဲ့ရပြီးတဲ့နောက် စစ်တပ်ရဲ့တပ်မ(၉၉)ကပဲ ပစ္စည်းတွေလာသိမ်းသွားတယ် ဒေသခံတွေက ပြောပါတယ်။ ဖေဖော်ဝါရီ ၃ ရက် ညနေပိုင်းက တောင်သာမြို့ နယ် ရုံးစည်ကြီးကျေးရွာကို စစ်တပ်က လေ ကြောင်းတိုက်ခိုက်ခဲ့ရာမှာ အုတ်ကျောင်းတိုက်မှ ဆရာတော်တပါးနဲ့ အမျိုးသားတစ်ဦးတို့ ဗုံးစထိမှန်ကာ ဒဏ်ရာတွေရခဲ့တယ်လို့ သိရပါတယ်။ ဒါ့အပြင် အုတ်ကျောင်းတိုက်အတွင်းက နှစ်ထပ်​ကျောင်းဆောင်တစ်ဆောင်၊ ကား၂စီး၊ မီးသတ်ရုံးအနီးက ဝေကြီးကုန်စုံဆိုင်ပေါ် ဗုံးသီးကျကာ မီးလောင်ခဲ့သလို ရွာသစ်ကျေးရွာမှ နေအိမ်နှစ်လုံးတို့ ပျက်စီးခဲ့ပါတယ်။ ဝေကြီးကုန်စုံဆိုင်ဟာ ဗိုလ်မှူးကြီးဟောင်း ကျော်ကျော်ဦးနဲ့ သူရဲ့ ညီမဖြစ်သူ…