မိုးမောက်မြို့ပြင်ရှိ ခမရ ၄၃၇ တပ်ရင်းကို KIA က တိုက်ခိုက် သိမ်းပိုက်မှု စစ်ကောင်စီ တပ်သား ၂၀၀ ကျော် သေဆုံးပြီး တင့်ကား ၁ စီး သိမ်းဆည်းရရှိ၊ တပ်ပျက်၍ ထွက်ပြေးနေသော စစ်သားများကို KIA က လိုက်လံ တိုက်ခိုက်နေ
ရန်ကုန်၊ ဩဂုတ် ၁၉
ကချင်ပြည်နယ်၊ မိုးမောက်မြို့ပြင်ရှိ အကြမ်းဖက် စစ်တပ်၏ ခမရ ၄၃၇ တပ်ရင်းကို KIA က တိုက်ခိုက် သိမ်းပိုက်ရာ စစ်ကောင်စီ တပ်သား ၂၀၀ ကျော် သေဆုံးပြီး တင့်ကား ၁ စီး သိမ်းဆည်းရရှိကာ တပ်ပျက်၍ ထွက်ပြေးနေသော စစ်သားများကို လိုက်လံတိုက်ခိုက်နေကြောင်း KIA ၏ စစ်ရေးသတင်းရင်းမြစ်က ရန်ကုန်ခေတ်သစ် မီဒီယာသို့ ပြောဆိုသည်။
ယနေ့ ဩဂုတ်လ ၁၉ ရက်နေ့ မွန်းလွဲ ၃ နာရီ ၁၀ မိနစ်ခန့်တွင် မိုးမောက်မြို့ပြင်ရှိ ခမရ ၄၃၇ တပ်ရင်းကို KIA က အပြီးသတ် တိုက်ခိုက်သိမ်းပိုက်ခဲ့ခြင်းဖြစ်ကြောင်း၊ အဆိုပါ ခမရ ၄၃၇ တပ်ရင်းကို KIA က ဇူလိုင်လ ၂၄ ရက်နေ့ နံနက် ၇ နာရီ ကျော်မှ စတင်ပြီး ၁ နာရီ ကြာမြင့်သည်အထိ တိုက်ခိုက်ခဲ့ရခြင်းဖြစ်ကြောင်း သိရသည်။
ယင်း တပ်ရင်းတွင် အကြမ်း စစ်တပ်က အင်အား ၅၀၀ ခန့်ဖြင့် အခိုင်အမာ ခံစစ်ပြင်ဆင်ကာ ခုခံ တိုက်ခိုက်ခဲ့ခြင်းဖြစ်ကြောင်း၊ စခန်းသိမ်း တိုက်ပွဲအတွင်း အကြမ်းဖက် စစ်တပ်ထံမှ တင့်ကား ၁ စီး နှင့် လက်နက်ခဲယမ်း အများအပြား သိမ်းဆည်းရရှိခဲ့ပြီး သိမ်းဆည်းရရှိသည့် လက်နက်ခဲယမ်း အရေအတွက်ကို လက်ရှိချိန်ထိ ရေတွက်လျက်ရှိကြောင်း သိရှိရသည်။
“သိမ်းဆည်း ရရှိတဲ့ လက်နက်ခဲယမ်းတွေ ရေတွက်လို့မကုန်ပါ။ တင့်ကား ၁ စီးလည်း သိမ်းပိုက်ရရှိထားတယ်။ စစ်ခွေး ၂၀၀ ကျော်သေတယ်။ ဒါဏ်ရာရ နဲ့ သေဆုံး နဲ့ဆို အားလုံးပေါင်း ၄၀၀ ကျော်တယ်။ တပ်ပျက်ပြီး ထွက်ပြေးနေတဲ့ စစ်ခွေးတွေကိုလည်း လိုက်လံ တိုက်ခိုက်နေတယ်” ဟု KIA ၏ စစ်ရေးသတင်းရင်းမြစ်က ပြောဆိုသည်။
KIA သိမ်းပိုက်လိုက်သည့်ခမရ (၄၃၇)သည်
ဗန်းမော်မြို့အတွက် အဓိက လုံခြုံရေးစခန်းဖြစ်ကြောင်း ဗိုလ်မှူးကြီးနော်ဘူပြော
▪︎လက်နက်ခဲယမ်းများစွာရရှိဟု စစ်ရေးသတင်းရင်းမြစ်ပြော ၊ တင့်ကားတစ်စီးကိုလည်းသိမ်းဆည်းရရှိ
ဟန်နွေ/People’s Spring
ကချင်ပြည်နယ် မိုးမောက်မြို့နယ်၌ နောက်ဆုံးကျန်နေသည့် စစ်ကောင်စီ၏ ခမရ(၄၃၇)တပ်ရင်းဌာနချုပ်သည် ဗန်မော်မြို့အတွက် အဓိကလုံခြုံရေးစခန်းဖြစ်ကြောင်း KIAKIA သတင်းပြန်ကြား
ရေးဌာန တာဝန်ခံ ဗိုလ်မှူးကြီးနော်ဘူကပြောကြားသည်။
“အဲဒါကတော့ ဗန်းမော်ရဲ့ အဓိက လုံခြုံရေး ယူထားတဲ့စခန်းဖြစ်ပါတယ်။ နောက်မိုးမောက်မြို့နယ်ကိုလည်း ထိန်းထားတဲ့ စခန်းကြီးဖြစ်ပါတယ်” ဟု ဗိုလ်မှူးကြီးနော်ဘူက ပြောကြားသည်။
အမှတ် ၄၃၇ ခြေမြန်တပ်ရင်း(ခမရ ၄၃င)ကိုကချင်လွတ်လပ်ရေးတပ်မတော်(KIA) ပူးပေါင်းတပ်က သြဂုတ် ၁၉ ရက်နွေ မွန်းလွဲပိုင်း၌ အပြီးသတ်သိမ်းပိုက်နိုင်ပြီဖြစ်ပြီး လက်နက်ခဲယမ်းများစွာ ရရှိခဲ့ကြောင်း ကချင်စစ်ရေးသတင်းရင်းမြစ်က ပြောသည်။
၂၀၂၄ မတ်လ ၇ရက်တွင် KIAက ထိုးစစ်အရှိန်မြှင့်တင်ပြီး စစ်ကောင်စီတပ်စခန်းများစွာ သိမ်းပိုက်သည့် စစ်ဆင်ရေးဆင်နွှဲခဲ့ရာ မိုးမောက်မြို့နယ်ရှိ တပ်ရင်းဌာနချုပ်နှင့် တပ်စခန်းများစွာကို သိမ်းပိုက်ထားနိုင်ခဲ့သည်။ မေလတွင် မိုးမောက်မြို့ကို KIA သိမ်းပိုက်ပြီးနောက် နောက်ဆုံးကျန်နေသည့် ခမရ(၄၃၇)စခန်းကို ဆက်လက်တိုက်ခိုက်ခဲ့သော်လည်း သိမ်းပိုက်နိုင်ခြင်းမရှိ၍ အကြိမ်ကြိမ်ထိုးစစ်ဆင်ခဲ့ရာ ဇူလိုင်လကုန်ပိုင်းတွင် ထပ်မံ၍ ထိုးစစ်အရှိန်မြှင့်ပြီး စခန်းသိမ်းတိုက်ပွဲဆင်နွှဲခဲ့သည်။
ဇူလိုင် ၂၄ရက်တွင် တကြော့ပြန် ထိုးစစ်ဆင်ခဲ့ရာ တစ်လနီးပါးအကြာမှ သိမ်းနိုင်ခဲ့ခြင်းဖြစ်သည်။
ဇူလိုင်လ ထိုးစစ်ဆင် KIA၊ KPDFနှင့် ရက္ခိုင့်တပ်တော်(AA) တို့ ပါဝင်သည့် ပူးပေါင်းတပ်က ရက်ရှည် တိုက်ပွဲဆင်နွှဲပြီးနောက် ဩဂုတ် ၁၉ရက်တွင် ခမရ(၄၃၇)ကို အပြီးသတ် သိမ်းပိုက်နိုင်ခဲ့ခြင်းဖြစ်သည်။ စစ်ကောင်စီက လေကြောင်း ပစ်ကူအကြိမ်ကြိမ်ပေး ခုခံနေသည့်ကြားမှ စခန်းသိမ်းနိုင်ခဲ့ခြင်းလည်းဖြစ်သည်။
“မိုးမောက်မြို့နယ်တစ်ခုလုံး စခ ကင်းစင်သွားပြီ။ မိုးမောက်အလုံးစုံ Sold Out။ ဒီနေ့ ၃နာရီ ၁၀မိနစ်မှာ ခမရ(၄၃၇) တပ်ရင်းဌာနချုပ်ကို KIAနဲ့ ပူး
ပေါင်းတပ်က အပြီးသတ် သိမ်းပိုက်လိုက်တာပါ။ သိမ်းဆည်းရရှိတဲ့ လက်နက်ခဲယမ်း ရေတွက်မကုန်ပါ” ဟု စစ်ရေးသတင်းရင်းမြစ်က ပြောသည်
ခမရ(၄၃၇) တပ်ရင်းဌာနချုပ် သိမ်းပိုက်သည့် စစ်ဆင်ရေးအတွင်း စစ်ကောင်စီတပ်ဘက်က တပ်ဖွဲ့ဝင် ၂၀၀ ကျော်သေဆုံးခဲ့ကြောင်းလည်း
စစ်ရေးသတင်းရင်းမြစ်က ပြောကြားပြီး သီးခြားအတည်ပြုချက်မရသေးပေ။
ခမရ(၄၃၇)ကို သိမ်းပိုက်နိုင်ခြင်းကြောင့် ဗန်းမော်ကို ဆက်ပြီး ဖိအားပေးနိုင်သည့် အနေအထား၊ လမ်းပွင့်သွားပြီဖြစ်ကြောင်းလည်း ဗိုလ်မှူးကြီးနော်ဘူက ပြောသည်။
“ ဒီတကြော့ပြန်တိုက်တဲ့အချိန် ကျနော်တို့လည်း လက်နက်ကြီးနဲ့ပစ်တာပေါ့။ သူတို့လည်း ဗန်းမော်ကနေ နီးတော့လက်နက်ကြီး လေကြောင်း ဒရုန်းနဲ့ မျိုးစုံပေါ့ တော်တော်များများ တုန့်ပြန်တဲ့အနေ
အထားကို ခံလိုက်ရတာဖြစ်ပါတယ်” ဟု ဗိုလ်မှူး
ကြီးနော်ဘူက ခမရ(၄၃၇)ကို ခက်ခဲစွာ တိုက်ခိုက်သိမ်းပိုက်နိုင်ခဲ့မှုကို ပြောပြသည်။
စစ်ကောင်စီတပ်မှ စစ်ဆင်ရေးမှူးများ ယနေ့(သြဂုတ်၁၉) မနက်တွင်ထွက်ပြေးသွားကြောင်း၊ စစ်သုံ့ပမ်း၊ လက်နက်ခဲယမ်းရရှိမှု သတင်းများ မရသေးဘဲ KIA သတင်းပြန်ကြားရေးဌာန အနေဖြင့်လည်း အဆိုပါ အချက်အလက်များကို ဖော်ပြလေ့မရှိကြောင်း ဗိုလ်မှူးကြီးနော်ဘူက ပြောသည်။
သို့သော် ထပ်မံရရှိသောသတင်းအရ ခမရ ၄၃၇တပ်ရင်းဌာနချုပ်သိမ်းတိုက်ပွဲ နှင့် စစ်ကူစစ်ကြောင်းများကိုဖြတ်တောက်တိုက်ခိုက်သောစစ်ဆင်ရေးတွင် KIA က စစ်တပ်မှ
တင့်ကာတစ်စီးသိမ်းဆည်းရရှိခဲ့ကြောင်းသိရသည်။
(စစ်ကောင်စီတပ်ထံမှ သိမ်းဆည်းရရှိသော တင့်ကားနှင့် KIA တပ်ဖွဲ့ဝင်များ။ဓါတ်ပုံ-ကချင်တောင်တန်း)