ဗိုလ်မှူးဒါဘောဦးဆောင်သော ကော်ဘရာစစ်ကြောင်းအား ပြည်ထောင်စုဝန်ကြီးချုပ်နှင့် အဖွဲ့ သွားရောက်တွေ့ဆုံ

ဗိုလ်မှူးဒါဘောဦးဆောင်သော ကော်ဘရာစစ်ကြောင်းအား ပြည်ထောင်စုဝန်ကြီးချုပ်နှင့် အဖွဲ့ သွားရောက်တွေ့ဆုံ
-People’s Spring

စစ်တပ်၏ အောင်ဇေယျစစ်ကြောင်းအား ထိုးစစ်ဆင် ချေမှုန်းလျက်ရှိသော ဗျူဟာ(၃၂) စစ်ဆင်ရေးမှူး ဗိုလ်မှူးဒါဘောဦးဆောင်သည့် ကော်ဘရာစစ်ကြောင်းမှ တပ်ဖွဲ့ဝင်များအား အမျိုးသားညီညွတ်ရေးအစိုးရ(NUG)၊ ပြည်ထောင်စုဝန်ကြီးချုပ် မန်းဝင်းခိုင်သန်းနှင့်အဖွဲ့က သွားရောက်တွေ့ဆုံခဲ့ကြောင်း NUGက အသိပေးထုတ်ပြန်သည်။
ပြည်သူ့ကာကွယ်ရေးတပ်မတော် ဗျူဟာ(၃၂) စစ်ဆင်ရေးမှူး ဗိုလ်မှူးဒါဘောသည် ပြည်ထောင်စုဝန်ကြီးချုပ်နှင့် အဖွဲ့အား စစ်ဆင်ရေးအခြေအနေများကို ရှင်းလင်းပြောပြခဲ့သည်ဟု ဖော်ပြသည်။
စစ်တပ်၏ အောင်ဇေယျစစ်ကြောင်းမှ အလင်းဝင်လာသူများနှင့်လည်း မိတ်ဆက်ပေးခဲ့သည်ဟု ဆိုသည်။
ထို့အပြင် သိမ်းပိုက်ထားသော မြဝတီမြို့နယ်၊ သင်္ဃန်းညီနောင် ခြေမြန်တပ်ရင်း ခမရ(၃၅၅) ဝင်း အတွင်းရှိ ပစ်ချထားသော ရဟတ်ယာဉ်အပျက်များ လိုက်လံပြသခဲ့ပြီး ပြည်ထောင်စုဝန်ကြီးချုပ်က ကျေးဇူးတင် အားပေးစကားများပြောကာ ရဲဘော်များ၏ လိုအပ်ချက်များအတွက် ထောက်ပံ့ချီးမြှင့်ငွေများ ပေးအပ်ခဲ့သည်ဟု ဖော်ပြထားသည်။
ပြည်ထောင်စုဝန်ကြီးချုပ် မန်းဝင်းခိုင်သန်းနှင့်အဖွဲ့သည် ပြီးခဲံသည့်ရက်ပိုင်းကလည်း မြေပြင်ရှိ PDF တပ်ရင်၊တပ်ဖွဲ့များမှ ရဲဘော်များထံ သွားရောက်တွေ့ဆုံးခဲ့သေးသည်။
ဓာတ်ပုံ – NUG