■ မြန်မာငလျင်ဘေးတွက် ဂျပန်နိုင်ငံ နီပွန်ဖောင်ဒေးရှင်က စစ်ကောင်စီက တစ်ဆင့် ကန် ဒေါ်လာ ၃ သန်း ထောက်ပံ့
Western News| ဧပြီ ၃
မြန်မာပြည်အတွင်း ငလျင်ဘေးကြောင့် ထိခိုက်ပျက်စီးသွားသော ဒေသများအတွက် ဂျပန်နိုင်ငံ နီပွန်ဖောင်ဒေးရှင်းက အစားအသောက်နှင့် ဆေးဝါးများ အပါအဝင် အရေးပေါ်အကူအညီများ စစ်ကောင်စီထံ ထောက်ပံ့ပေးခဲ့သည်။
မြန်မာနိုင်ငံနှင့် အနီးတစ်ဝိုက်မှာ လှုပ်ခတ်ခဲ့သည့် ငလျင်ဒဏ်ကြောင့် ထိခိုက်ခံစားခဲ့ရသူတိုင်းအတွက် အလေးအနက် ဝမ်းနည်းကြောင်း ပြောကြားလိုသည်ဟု နိပွန်ဖောင်ဒေးရှင်း ဥက္ကဌ မစ္စတာ ဆာဆာကာဝါက (Yohei Sasakawa) က ဆိုသည်။
နီပွန်ဖောင်ဒေးရှင်း ဥက္ကဌ ဆာဆာကာဝါ သည် ဧပြီလ ၂ ရက် မွန်းလွဲပိုင်းတွင် စစ်ခေါင်းဆောင် မင်းအောင်လှိုင်နှင့် တွေ့ဆုံခဲ့ပြီး အမေရိကန် ဒေါ်လာ ၃ သန်း (ယန်း သန်း ၄၅၀ ခန့်) ထောက်ပံ့ပေးခဲ့ကြောင်း မတ်လ ၃၁ ရက်နေ့က ကြောညာခဲ့သည်။
ရန်ကုန်မြို့ရှိ နီပွန်ဖောင်ဒေးရှင်း မြန်မာဆက်ဆံရေးရုံးမှ တာဝန်ရှိသူများအနေဖြင့် အဓိက လိုအပ်ချက်ရှိသည့် နေရာများသို့ ကယ်ဆယ်ရေးပစ္စည်းများအား အလျင်အမြန်ပို့ဆောင်ရန် ရည်ရွယ်ထားကြောင်း သိရသည်။
နီပွန်ဖောင်ဒေးရှင်းသည် မြန်မာနိုင်ငံအတွင်း အနာကြီးရောဂါ ပပျောက်ရေးအစီစဥ်နှင့် နှစ်ပေါင်း (၅၀) ခန့် လုပ်ဆောင်လာသည့် လူမှုအဖွဲ့အစည်းတစ်ခုဖြစ်သည်။
မြန်မာနိုင်ငံအတွင်း ပဋိပက္ခဖြစ်ပွားနေသာ ဒေသများကို ၂၀၁၃ ခုနှစ်ကတည်းက အကူညီပေးမှု ပါဝင်ဆောင်ရွက်ခဲ့ပြီး ဧပြီလ ၂ ရက်နေ့တွင်လည်း လူသားချင်းစာနာထောက်ထားမှုဆိုင်ရာ အကူအညီများ ပေးအပ်ခဲ့သည်။
မြန်မာနိုင်ငံအတွင်း လူသားအရင်းအမြစ် ဖွံ့ဖြိုးတိုးတက်ရေး၊ ကျန်းမာရေးနှင့် သန့်ရှင်းရေး၊ ပညာရေး၊ ဝန်ထမ်းဖလှယ်ရေးနှင့် မသန်စွမ်းသူများအတွက် ပံ့ပိုးကူညီမှု စသည့် ကဏ္ဍစုံတွင် ကူညီပံ့ပိုးပေးခဲ့ကြောင်း နီပွန်ဖောင်ဒေးရှင်းက ဆိုသည်။
#WesternNews #WN #နီပွန်ဖောင်ဒေးရှင်း #ငလျင်ဘေး #အကူအညီများ #စစ်ကောင်စီ #မင်းအောင်လှိုင် #ဒေါ်လသုံးသန်း