တော်လှန်ရေးတပ်များက ယာယီအပစ်ရပ်ကြေ
ညာသော်လည်း အာဏာသိမ်းခေါင်းဆောင်က
စစ်ဆက်တိုက်မည်ဆို
■ပိတ်မိပြည်သူများအပျက်စီးပုံများအောက်မှအပြင်ထုတ်မပြီးသေးသော်လည်း သင်္ကြန်ပွဲတော်ကျင်းပဦးမည်
ဧပြီ-၁၊၂၀၂၅။ခွာညို/People’s Spring
ငလျင်ဒဏ်သင့် ပြည်သူများကို ကူညီကယ်ဆယ်ရေးလုပ်ငန်းများမြန်ဆန်ထိရောက်စွာလုပ်ကိုင်နိုင်ရန် ယာယီအပစ်ရပ်မည်ဟု ညီနောင်မဟာမိတ်သုံးဖွဲ့နှင့် NUG ကကြေညာ ထားသော်လည်း စစ်ကောင်စီဘက်ကမူ ဆက်လက်တိုက်ခိုက်မည်ဟုအာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင်က ဧပြီ ၁ ရက်တွင်ပြောသည်။
ထို့အပြင်မြေငလျင်ကြီးကြောင့် ပြည်သူထောင်ချီသေဆုံး၍ ပြည်သူအများအပြားမှာလ်း ပြိုကျနေသောအဆောက်အုံပျက်များအောက်တွင် ပိတ်မိ၊ပိနေသည်ကို အပြင်မထုတ်နိုင်သေးသော်လည်းစစ်ကောင်စီက ယခုနှစ်သင်္ကြန်ပွဲတော်ကိုကျင်းပသွားမည်ဟုထုတ်ပြန်သည်။
နေပြည်တော်တွင် ဧပြီ ၁ ရက်နေ့တွင်ပြုလုပ်သည့် ငလျင်ပြန်လည်ထူထောင်ရေးအလှူငွေပေးအပ်ပွဲတွင်အာဏာသိမ်း ခေါင်းဆောင်က အချို့သောတိုင်းရင်းသားလက်နက်ကိုင် အဖွဲ့များအနေဖြင့် လက်ရှိအခြေအနေတွင် တိုက်ပွဲဖော်ဆောင်ခြင်းများမရှိသော်လည်း တိုက်ခိုက်မှုများလုပ်ဆောင်ရန်အတွက် စုဖွဲ့ခြင်း၊ လေ့ကျင့်ပြင်ဆင်ခြင်းများလုပ်ဆောင် နေကြသည်ကို စစ်ကောင်စီက သိရှိပြီးဖြစ်ပြီး ထိုသို့ဆောင်ရွက်နေခြင်းသည် တိုက်
ခိုက် ခြင်းပင်ဖြစ်သဖြင့်စစ်တပ် အနေဖြင့်လိုအပ်သည့် ကာကွယ်ရေးဆိုင်ရာလုပ်ငန်းများ ကို ဆက်
လက်ဆောင်ရွက်သွားမည်ဟုပြောဆိုခဲ့ခြင်းဖြစ်သည်။
နိုင်ငံတဝန်းတော်လှန်ရေးတပ်များက အနည်းဆုံးမြို့ပေါင်း ၉၄ မြို့ကိုသိမ်းပိုက် ထားပြီး စစ်ကောင်စီတပ်သည် မိုးဗြဲမြို့ကို ပြန်လည်သိမ်းပိုက်ရန်ထိုးစစ်ဆင်နေသော်လည်း ပြန်လည်းသိမ်းပိုက်နိုင်ခြင်းမရှိပေ ။ ၁၀၂၇ ဒုတိယလှိုင်းအပြီးစစ်ကောင်စီသည် လက်လွတ်ဆုံးရှုံးရသောမြို့များကို ပြန်လည် သိမ်းပိုက်နိုင်ခြင်းမရှိဘဲ တော်လှန်ရေးတပ်များ၏ ထိုးစစ်ဆင်မှုတွင်သာ စခန်းများ၊တပ်ရင်းများ ၊ဌာနချုပ်များ အနှေးနှင့်အမြန် ဆုံးရှုံးနေသည်။
နိုင်ငံတဝန်းတိုက်ပွဲများတွင် အထိနာ၍ စစ်မှုထမ်းဥပဒေဖြင့်စစ်သားသစ်များကိုအဓမ္မစုဆောင်းနေသလို ၊ ငလျင်ကြီးလှုပ်ပြီးနောက် ကယ်ဆယ်ရေးလုပ်ငန်းများတွင်စစ်သားများက အရေးပေါ်ကယ်ဆယ်ရေးလုပ်ငန်းများတွင်ပါဝင်လုပ်ကိုင်မှုမရှိသလောက်နည်းပါးသည်။ ငလျင်ကြီးလှုပ်ပြီးနောက်မှာပင် စစ်ကောင်စီက ငလျင်သင့်ဒေသများအပါအဝင် ဒေသအနှံကိုဗုံးဆက်တိုက်ကြဲနေခြင်းဖြစ်သည်။
ထို့အပြင်စစ်ကောင်စီအနေဖြင့်ငြိမ်းချမ်းရေးနှင့်ပတ်သက်၍ လက်တွေ့ကျကျ ထိထိရောက်ရောက် အကောင်အထည်ဖော်နိုင်ရန်အတွက် တိုင်းရင်း သားလက်နက်ကိုင်အဖွဲ့များအားလုံးကို တွေ့ဆုံဆွေးနွေးရန် အမြဲဖိတ်ခေါ်တံခါးဖွင့် ထားလျက်ရှိကြောင်း၊ လက်နက်ကိုင်အဖွဲ့များအနေဖြင့် ငြိမ်း
ချမ်းရေးလမ်းစဉ်များအတိုင်း အမှန်တကယ် လိုက်နာဆောင်ရွက်ကြရန်လိုကြောင်း ၎င်းကဆိုပြန်သည်။
တော်လှန်ရေးတပ်ဖွဲ့များအားအကြမ်းဖက်သမားများဟုသုံးနှုန်းပြီး နိုင်ငံရေးအရဖြစ်ပေါ်လာသည့် ပြဿနာကို အကြမ်းဖက်သည့်နည်းလမ်းဖြင့် ဖြေရှင်းရန် ရွေးခြယ်ခဲ့ကြခြင်းဖြစ်ပြီး မိမိတို့အနေဖြင့် ချမှတ်ထားသည့် လုပ်ငန်းစဉ်များအတိုင်း ဆက်
လက်ဆောင်ရွက်သွားမည်ဖြစ်ကြောင်း မင်းအောင်လှိုင်ကဆိုသည်။
အမျိုးသားညီညွတ်ရေးအစိုးရ(NUG) က မတ်လ ၂၉ ရက်နေ့တွင် ငလျင်ဘေးဒဏ်သင့်ပြည်သူ
များအတွက်လူသားချင်းစာနာထောက်ထားခြင်းအားဖြင့် မတ်လ ၃၀ ရက်မှ ဧပြီ ၁၂ ရက်အထိ ခုလံစစ်မှလွဲ၍ ထိုးစစ်ရပ်တန့်ထားမည်ဟု ကထုတ်ပြန်ခဲ့သည်။ သို့သော်စစ်ကောင်စီက လေကြောင်းတိုက်ခိုက်မှုများဆက်လက်ပြုလုပ်နေသည်။
AA၊MNDAA နှင့် TNLA ပါဝင်သည့် မြောက်ပိုင်းမဟာမိတ်ညီနောင်သုံးဖွဲ့ကလည်း ငလျင်နောက်
ဆက်တွဲ ကယ်ဆယ်ရေးလုပ်ငန်းများ အမြန်ဆုံး ထိရောက်စွာ ဆောင်ရွက်နိုင်ရန် မိမိတို့နှင့် တိုက်ပွဲဖြစ်ပွားလျက်ရှိသောနေရာများတွင် ထိုးစစ်များကို ပြုလုပ်မည်မဟုတ်ဘဲ ဧပြီ၁ာရက်မှ ၃၀ ရက်အထိ့ တစ်လတာ တစ်ဖက်သတ် အပစ်ရပ်ကြောင်း ဧပြီလ ၁ရက် ညနေ၌ထုတ်ပြန်သည်။
ညီနောင်မဟာမိတ်သုံးဖွဲ့အနေဖြင့် ငလျင်နောက်
ဆက်တွဲအခြေအနေများကို အလေးအနက်ထား စောင့်ကြည့်လေ့လာပြီးနောက် ငလျင်ဒဏ်သင့်မြို့များတွင် အရေးပေါ် ကူညီကယ်ဆယ်ရေး၊ ရှာဖွေ
ရေးလုပ်ငန်းများ လုပ်ဆောင်လျက်ရှိနေကြသော ပြည်တွင်း၊ ပြည်ပ ကူညီကယ်ဆယ်ရေး စေတနာ့
ဝန်ထမ်းများ စိတ်လက် ကြည်သာစွာ လုပ်ကိုင်နိုင်ကြစေရန်နှင့် ငလျင်ဒဏ်သင့် ပြည်သူများအတွက် အရေးတကြီးနှင့်အရေးပေါ်ချက်ချင်းလိုအပ်လျက်ရှိသော လူသားချင်းစာနာထောက်ထားမှုဆိုင်ရာ လုပ်ငန်းများကို အမြန်ဆုံး ထိထိရောက်ရောက်ဆောင်ရွက်နိုင်ရန် အထူးလိုလားသည်ဟု ထုတ်ပြန်ထားသည်။
စစ်ကောင်စီကမူတစ်နိုင်ငံလုံး ဝမ်းနည်းကြေကွဲနေရသော ကာလဖြစ်၍ ယခုနှစ် မြန်မာ့ရိုးရာသင်္ကြန်ကို အပျော်အပါး သီဆိုကခုန်မှုများမပါဝင်ဘဲ ရိုး
ရာယဉ်ကျေးမှုနှင့်အညီ အေးချမ်းသာယာသော သင်္ကြန်အဖြစ် ကျင်းပသွားမည်ဟု ဧပြီ ၁ ရက်ညသတင်းထုတ်ပြန်ထားသည်။ TNLA ၊ MNDAA
နှင့် PDFများ၊ပကဖများ အပါအဝင်တော်လှန်ရေးတပ်များက နိုင်ငံမှာမြေငလျင်ကြီးသင့်ပြီးပြည်သူများဒုက္ခရောက်နေချိန်ဖြစ်၍ ယခုနှစ်တွင် ၎င်းတို့စိုးမိုးထိန်းချုပ်ထားသောဒေသများတွင်သင်္ကြန်ပွဲတော်မကျင်းပတော့ကြောင်းကြေညာထား
သည်။
မြေငလျင်ကြီးလှုပ်ပြီး ၅ ရက်ရှိလာသော်လည်း ပျက်စီးဆုံးရှုံးမှုများသောဧရိယာကြီးမားကျယ်ပြန့်သလို စစ်ကောင်စီက ကယ်ဆယ်ရေးလုပ်ငန်းများကိုကောင်းစွာတုံ့ပြန်လုပ်ကိုင်နိုင်စွမ်းမရှိသလို ၊ ဒေသအချို့တွင် ကယ်ဆယ်ရေးလုပ်ငန်းများကိုကန့်သတ်မှုများပင်ပြုလုပ်နေ၍ အရေးပေါ်ကယ်ဆယ်ရေး ၊အဆောက်အအုံပျက်များတွင် ပိတ်မိနေသူများကိုရှာဖွေကယ်ဆယ်ရေးမလုပ်နိုင်သော နေရာအများအပြားရှိနေသည်။ မန္တလေးမြို့တွင်ပင် သတင်းမီဒီယာများ၌ လူပြောများသောနေရာများတွင်သာ ပြည်ပကယ်ဆယ်ရေးအဖွဲ့များဖြင့် ကယ်ဆယ်ရေးလုပ်သော်လည်း ရပ်ကွက်များမှ ပြိုကျပျက်စီးသောအဆောက်အအုံများကို ကယ်ဆယ်ရေးမလာ၍ ပြည်သူများမှာ အချင်းချင်းသာကူညီနေရကြောင်းဒေသခံများကပြောသည်။