NUG လူသားစာနာဝန်ကြီး ဒေါက်တာဝင်းမြတ်အေးနှင့် ပြင်သစ်နိုင်ငံဆိုင်ရာကိုယ်စားလှယ် နန်းဆုမွန်အောင်တို့က ပြင်သစ်နိုင်ငံ၏ နိုင်ငံခြားရေးဝန်ကြီးဌာန တာဝန်ရှိသူ ၂ ဦးနှင့် တွေ့ဆုံခဲ့…
မတ် ၂၂ ၊ ၂၀၂၅
အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့်ဘေးအန္တရာယ် ဆိုင်ရာစီမံခန့်ခွဲရေး၀န်ကြီး ဒေါက်တာ၀င်းမြတ်အေးနဲ့ နိုင်ငံခြားရေး၀န်ကြီးဌာန၊ ပြင်သစ်နိုင်ငံဆိုင်ရာကိုယ်စားလှယ် နန်းဆုမွန်အောင်တို့က ပြင်သစ်နိုင်ငံ၊ နိုင်ငံခြားရေးဝန်ကြီးဌာန၊ အရှေ့တောင်အာရှဌာနမှူး Ms. Mathilde Teruya နဲ့ မြန်မာ၊ ထိုင်း တာဝန်ခံ Mr. Frédéric Inza တို့ကို တွေ့ဆုံဆွေးနွေးခဲ့တယ်လို့ သိရပါတယ်။
တွေ့ဆုံမှုအတွင်း လူသားစာနာအကူအညီတွေနဲ့ ပတ်သက်လို့ မြေပြင်လိုအပ်ချက်တွေ၊ အလိုအပ်ဆုံးပြည်သူတွေဆီ အကူအညီတွေ ရောက်ရှိရေးကြိုးပမ်းမှုတွေ၊ နိုင်ငံတကာအဖွဲ့အစည်းတွေနဲ့ မိတ်ဆွေနိုင်ငံတွေက ပြည်သူတွေဆီ အကူအညီတွေ တိုက်ရိုက်ရောက်ရှိအောင် ပြောင်းလဲဆောင်ရွက်ပေးဖို့ နည်းလမ်းတွေကို အဓိကထားဆွေးနွေးခဲ့တယ်လို့ သိရပါတယ်။
ဒါ့အပြင် မြန်မာ့နွေဦးတော်လှန်ရေးရဲ့ လက်တွေ့ကျကျ ရှေ့ဆက်ဖို့ရှိတဲ့ လမ်းပြမြေပုံကိုလည်း ရှင်းလင်းဆွေးနွေးခဲ့တယ်လို့ သိရပါတယ်။
