ဦးဝီရသူ တပည့်တွေ မင်းကွန်းကနေ စစ်ကိုင်းသွားဖို့ စစ်တပ်က လုံခြုံရေးမပေးနိုင်လို့ ကုန်းလမ်းအစား ရေလမ်းမှသွား
ရှိန်း/ People’s Spring
နာရီပိုင်းသာကြာတဲ့စစ်ကိုင်းနဲ့ မင်းကွန်းရွာလမ်းကို စစ်ကောင်စီကလုံခြုံ ရေးမ ပေးနိုင်လို့ ဦးဝီရသူ တည်ထောင်ထားတဲ့ မင်းကွန်းပုထိုးတော်ကြီးပညာရေးအကယ်ဒမီကကျောင်း စာမေးပွဲဖြေမယ့် ကျောင်းသားတွေကို မန္တလေးမြို့ အလယ်ပိုင်းတိုင်းစစ်ဒေသချုပ်က လုံခြုံရေးအစီအစဥ် နဲ့ရေလမ်းနဲ့တဆင့်ခေါ်ခဲ့တယ်လို့ ဒေသခံ တွေကပြောပါတယ်။
မင်းကွန်းနဲ့ စစ်ကိုင်းမြို့ဟာ ၁၃ မိုင်ကျော်ပဲကွာဝေးတာဖြစ်ပြီး ကားနဲ့ မိနစ် ၄၀ လောက်နဲ့ရောက်တဲ့ခရီးဖြစ်ပါတယ် ။ ဒါပေမယ့် မင်းကွန်းရွာကနေ စစ်ကိုင်းမြို့ ပေါ်ကို တက္ကသိုလ်ဝန်ထမ်းစာမေးပွဲ သွား ဖြေမယ့် မင်းကွန်းပုထိုးတော်ကြီးပညာရေးအကယ်ဒမီကျောင်း ကကျောင်းသူ၊ကျောင်းသားတွေကို စစ်ကိုင်းမြို့ကိုတိုက်ရိုက်မပို့ရဲတဲ့အတွက်သင်္ဘောတွေ နဲ့ ဧရာဝတီမြစ်အတွင်းကတဆင့် မန္တ လေး ၊ မန္တလေးမြို့ကနေစစ်ကိုင်းမြို့ကိုပို့ ဆောင်ခဲ့ရတာပါ။
မင်းကွန်းပုထိုးတော်ကြီးပညာရေးအကယ်ဒမီ ကျောင်းဟာ ဦးဝီရသူတည် ထောင်ထားတာဖြစ်ပြီး အမျိုးသားရေးအစွန်းရောက် မဘသဆရာ
တော်တွေ ဦးစီးတဲ့ကျောင်းဖြစ်ပါတယ်။
“မင်းကွန်းကနေ စစ်ကိုင်းကိုသွားဖို့အတွက် မန္တလေးကိုဖြတ်ပြီးမှ တံတားက နေပတ်သွားနေရတယ်။ဒကာတော် ကာချုပ်ကြီး ပြည်သူလူထုရဲ့အ ခြေအနေကို သိအောင်တင်ပြတာပါ နော”လို့ ဦးဝီရသူကလည်းသွားခေါ်စဉ် မိန့်ကြားတာကို လူမှုကွန်ယက်မှာ တင်ထားတာကိုတွေ့ရပါတယ်။
မင်းကွန်းရွာက မြသိန်းတန်စေတီမှာ စစ်ကောင်စီတပ်စွဲထားပေမယ့် မကြာခဏ တော်လှန်ရေးတပ်တွေရဲ့ တိုက်ခိုက်တာ ခံနေရပါတယ် ။ ဒါကြောင့်စစ်တပ်ဟာ နာရီအနည်းငယ်သာကြာမယ့် စစ်ကိုင်း-မင်းကွန်းလမ်းကို လုံခြုံရေး မပေးနိုင်တာမို့ ရေလမ်းက နေ မန္တလေးမြို့ကတဆင့်ပို့ဆောင်ခဲ့တာဖြစ်ပါတယ် ။
အဲဒီရေ လမ်းကြောင်းကိုလည်း မန္တလေးမြို့မှာရှိတဲ့ အ လယ်ပိုင်းတိုင်းစစ်ဌာနချုပ်ကအရာရှိတွေကိုယ်တိုင် ကွက်ကဲပြီး မန္တလေးမြို့က ပျူစောထီးအများအပြားနဲ့လုံခြုံ ရေး ပေးခဲ့တာလို့လည်း စစ်
တပ်နဲ့ နီးစပ်သူ တွေဆီကသိရပါတယ်။
ရွေးကောက်ခံအရပ်သားအစိုးရလက်ထက် ၂၀၁၈ ခုနှစ်ဒီဇင်ဘာလ မှာခရစ်ယာန်ဓမ္မဆရာက ခရစ်စမတ်အလှူအထိန်းအမှတ် အနေနဲ့အဲဒီကျောင်းမှာအလှူတခုပြုလုပ်ခဲ့ပါတယ် ။အလှူလုပ်အပြီးမှာ ဘာသာ ရေးစည်းရုံးတယ်ဆိုပြီး မဘသအဖွဲ့အစည်းက အလှူရှင်တွေကို တရားစွဲဆိုခဲ့တဲ့ ကျောင်းဖြစ်ပါတယ်။
(ဦးဝီရသူ အပါအဝင် မဘသ ဆရာတော်တွေနဲ့
မင်းကွန်းပုထိုးတော်ကြီးပညာရေးအကယ်ဒမီ ကျောင်းကကျောင်းသား၊ကျောင်းသူတွေ ရေလမ်းဖြင့်စစ်ကိုင်းသွားစဥ်)