စဉ့်ကူး၊ လက်ပံလှရွာကို စစ်လေယာဉ်ဖြင့် ဗုံးကျဲမှုကြောင့် သေဆုံးသူ ၂၇ ဦးတွင် ရုပ်အလောင်းပျက်စီးသူများ ပါဝင်ပြီး အလောင်းများထပ်မံရှာဖွေနေ၊ ဒဏ်ရာရသူ ၃၂ ဦးတွင်လည်း စိုးရိမ်ရသူများပါဝင်သဖြင့် သေဆုံးသူ ထပ်တိုးလာနိုင်
ရန်ကုန်၊ မတ် ၁၅
မန္တလေးတိုင်း၊ စဉ့်ကူးမြို့နယ်၊ လက်ပံလှရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ၄ လ အရွယ် ကလေးငယ် နှင့် ကလေး ၆ ဦး အပါအဝင် ပြည်သူ ၂၇ ဦး သေဆုံးပြီး ၃၂ ဦး ထိခိုက်ဒဏ်ရာရကာ သေဆုံးသူအရေအတွက် တိုးလာနိုင်ကြောင်း စဥ့်ကူးမြို့နယ် ပကဖ သတင်း တာဝန်ခံက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယမန်နေ့ မတ်လ ၁၄ ရက်နေ့ မွန်းလွဲ ၃ နာရီ ၁၄ မိနစ်ခန့်တွင် စဉ့်ကူးမြို့နယ်၊ လက်ပံလှရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း၊ အကြမ်းဖက် စစ်တပ်၏ ဗုံးကျဲ တိုက်ခိုက်မှု အတွင်း အသက် ၄ လ အရွယ် ကလေးငယ် ၁ ဦး နှင့် ကလေး ၆ ဦး အပါအဝင် ပြည်သူ ၂၇ ဦး သေဆုံးခဲ့ပြီး ပြည်သူ ၃၂ ဦးလည်း ထိခိုက်ဒဏ်ရာရရှိခဲ့ကြောင်း သိရသည်။
ထိခိုက်ဒဏ်ရာရရှိသူ ၃၂ ဦးတွင်လည်း အသက် အန္တရာယ် စိုးရိမ်ရသော ပြင်းထန်ဒဏ်ရာရရှိသူများ ပါဝင်ပြီး သေဆုံးမှု အရေအတွက် ထပ်တိုးနိုင်ကြောင်း၊ ထို့ပြင် ပြည်သူပိုင် နေအိမ် ၅ လုံးလည်း မီးလောင် ပြာကျခဲ့ကြောင်း သိရှိရသည်။
“စစ်ခွေးတွေက အကြောင်းမဲ့ ဗုံးကျဲ တိုက်ခိုက်သွားတာပါ။ ထိခိုက်ဒဏ်ရာရရှိသူတွေထဲမှာ စိုးရိမ်ရ ဒဏ်ရာရတဲ့သူတွေ ပါဝင်ပါတယ်။ အခု အတည်ပြုနိုင်တာ ၂၇ ဦးပေါ့။ အသက် ၄ လ အရွယ် ကလေးငယ်နဲ့ ကလေး ၆ ဦးလည်း သေဆုံးမှုထဲမှာ ပါဝင်တယ်လို့ သိရတယ်။ တချို့ရုပ်အလောင်းတွေက မီးလောင်ကျွမ်းသွားတယ်။ နယ်မြေရှင်းလင်းရေး လုပ်ပြီး ရုပ်အလောင်းတွေ ရှိနိုင်ဦးမလား ရှာဖွေနေပါတယ်။ ထိခိုက်ဒဏ်ရာရရှိသူကတော့ ၃၂ ဦးရှိတယ်။ နေအိမ် ၅ လုံးလည်း မီးလောင်ပြာကျသွားတယ်” ဟု စဥ့်ကူးမြို့နယ် ပကဖ သတင်း တာဝန်ခံက ပြောဆိုသည်။
မြိုင်က ရွာနှစ်ရွာဗုံးကြဲခံရ ကိုရင်ကြီး တစ်ပါးအပါအဝင် ၃ ဦးသေဆုံး
■ကျောင်ထိုင်ဆရာတော်အပါအဝင်ပြည်သူ
အနည်းဆုံး ၁၆ ဦးဒဏ်ရာရ
ကဖီး၊ရှိန်း/ People’s Spring
မကွေးတိုင်း၊မြိုင်မြို့နယ်ကကျေးရွာနှစ်ရွာကို မတ်၁၄ ရက်နေ့မှာ စစ်တပ်ကလေကြောင်းကနေဗုံးကြဲတာကြောင့်ဘုန်ကြီးကျောင်းထိမှန်ပြီး ကိုရင်ကြီး ၁ ပါး၊ပြည်သူ၂ဦးသေဆုံးခဲ့ပြီးကျောင်း
ထိုင်ဆရာတော်အပါအဝင် ၁၆ဦးထိခိုက်ဒဏ်ရာရခဲ့တယ်လို့ ဒေသခံတွေကပြောပါတယ်။
မတ်လ ၁၄ ရက်နေ့၊မနက်၁၁နာရီ ၅၃ မိနစ်မှာ မိတ္ထီလာရှမ်းတဲလေတပ်ကလာတဲ့ ဂျက်ဖိုက်တာ၂စီးနဲ့ မြိုင်မြို့နယ်အနောက်ပိုင်းက ဝဲတောင်ရွာဘုန်းကြီး ကျောင်း၊ရွာမြောက်ပိုင်းနဲ့ ဆူးဝင်းရွာတို့ကို လေ
ကြောင်းတိုက်ခိုက်ခဲ့တာလို့သိရပါတယ်။
ဝယ်တောင်(တောင်)ရွာဘုန်းကြီး ကျောင်းတိုက်ခိုက်ခံရမှုမှာဘုန်းကြီးကျောင်းတစ်ခုလုံး မီးလောင်ပြိုကျခဲ့ပြီးတော့ သက်တော် ၃၀ ခန့်အရွယ်ကိုရင်ကြီး ၁ပါးပျံလွန်တော်မူခဲ့သလို အသက်၂၀အရွယ်အမျိုးသား၂ဦးနဲ့ခဲ့ပါတယ် ။ဒါအပြင် ကျောင်းထိုင်ဘုန်းကြီး ၊ကိုရင် ၂ ပါးနဲ့ပြည်သူ ၄ ဦး ထိခိုက်ဒဏ်ရာ တွေရခဲ့တယ်လို့ဒေသခံတချို့ကပြောပါတယ်။
ဒါအပြင်ရွာမြောက်ပိုင်းမှာလည်းနေအိမ်၂လုံးမီး လောင်ပျက်ဆီးခဲ့ပြီး ပြည်သူ ၇ ဦးထိခိုက်ဒဏ်ရာ တွေရရှိခဲ့တယ်လို့သိရပါတယ်။
“အိမ်က တော့လုံးလုံး ပျောက်ပဲ။အိမ်ရှင်အန်တီကြီးက ကတုပ်ကျင်းထဲ နေနေလို့လွတ်တာ”လို့ ဒေသခံတဦးက ပြောပါတယ်။
ဆူးဝင်းရွာစာကြည့်တိုက်ရဲ့အ ရှေ့ဘက်လည်း
တချိန်ထဲလေ ကြောင်းတိုက်ခိုက်ခံခဲ့ရပြီး နေအိမ်
၁လုံးပျက်ဆီးကာပြည်သူ ၂ ဦးထိခိုက်ဒဏ်ရာရခဲ့တယ်လို့သိရပါတယ်။
မတ်လ ၁၄ ရက် နေ့ညနေကပဲ မန္တလေးတိုင်း၊စဉ့်ကူးမြို့နယ်၊လက်ပန်လှကျေးရွာကို စစ်တပ်ကလေ ကြောင်းတိုက်ခိုက်ခဲ့တာမို့ ပြည်သူ ၂၇ ဦးအထိ သေဆုံးပြီး ၃၀ ကျော်ဒဏ်ရာရခဲ့ပါသေးတယ်။
စစ်ကောင်စီသည် မြိုင်မြို့နယ်ထဲကို ဖေဖော်
ဝါရီလကုန်ပိုင်းကစပြီး လေကြောင်းတိုက်ခိုက်မှုတွေမကြာခဏပြုလုပ်နေပါတယ်။ ဖေဖော်ဝါရီလ ၂၅ ရက်နေ့က ဆုံကုန်းကျေးရွာကိုလေကြောင်း
မှ တိုက်ခိုက်ရာ ဒေသခံ ၁၁ဦးသေဆုံးခဲ့ပါတယ်။
လေကြောင်းအန္တရာယ်ကာကွယ်ရေးအတွက် ဒေသခံတွေဗုံးခိုကျင်းတွေတူးကြဖို့ ၊ ဒေသတွင်းသို့ဝင်ရောက်လာသူတွေကို သေချာစိစစ်ကြဖို့၊တော်လှန်ရေးအဖွဲ့အစည်းတွေက ဆက်သွယ်ရေးအတွက်သုံးသော ဆက်သွယ်ရေးလိုင်းများမှလွဲ၍ ကျန် လိုင်းများပိတ်ရန် မြိုင်မြို့နယ်ပြည်သူ့ကာ
ကွယ်ရေးတပ်ဖွဲ့က မတ်လ၃ရက်နေ့မှာထုတ်ပြန်ခဲ့ပါတယ် ။
မြိုင်မြို့နယ်ပါဝင်တဲ့ ပခုက္ကူခရိုင်မှာလည်း လေ
ကြောင်းအန္တရာယ်အတွက် ဒေသခံ ပြည်သူတွေအနေနဲ့လေကြောင်းအန္တရာယ် ၊ Paramotor(စက်တပ်လေထီး) အန္တရာယ်တွေ သတိပြုကြဖို့ ၊ လူစုလူဝေးမလုပ်ကြဖို့ ၊ အိမ်တိုင်းဗုံးခိုကျင်းတူးထားကြဖို့ပခုက္ကူမြို့နယ်ပြည်သူ့အုပ်ချုပ်ရေးအဖွဲ့က မတ်လ ၁၄ ရက်နေ့မှာ ထုတ်ပြန်ထားပါတယ် ။