ကရင်နီ-ထိုင်းနယ်စပ်မှ စစ်တပ်နောက်ဆုံးစခန်း
ဖြစ်သော ပွိုင့် ၅၄၁၆ ကို KA သိမ်းပိုက်
ရဲခေါင်/ People’s Spring
ကရင်နီပြည်တွင် မြန်မာ-ထိုင်းနယ်စပ် ၌စစ်တပ်
၏နောက်ဆုံးလက်ကျန်စခန်းကုန်း(ပွိုင့် ၅၄၁၆)
ကို ကရင်နီပြည်တပ်မတော် -KAက သိမ်းပိုက်
နိုင်ခဲ့ပြီး လက်နက်ခဲယမ်းအများအပြားသိမ်း
ဆည်းရရှိကြောင်း KA ၊တပ်ရင်း ၅ တာဝန်ရှိသူက လူထုနွေဦးသို့ပြောသည်။
စစ်ကောင်စီ၏ နှစ် ၃၀ ကြာတပ်စွဲထားသော ကရင်နီ – ထိုင်း နယ်စပ်ရှိ ပွိုင့် ၅၄၁၆(စစ်ဆင်ရေး
ခြေကုပ်စခန်း ) တောင်ကတုံးစခန်းကို ဖေဖော်ဝါ
ရီ ၁၃ ရက် က အလုံးစုံသိမ်းပိုက်နိုင်ခဲ့ခြင်းဖြစ်သည်။
“လက်နက်ခဲယမ်းအများအပြားရတယ်။ဒီစခန်းက ကရင်နီနယ်စပ်စခန်းဖြစ်တယ်။အဲဒီစခန်းတစ်ခုပဲကျန်တယ်။အခုက တက်သိမ်းလိုက်နိုင်ပြီ။အဲဒီနားတစ်ဝိုက် လုံးက စစ်ကောင်စီ ရှင်းလင်းသွားပြီလို့ ပြောလို့ရတယ်”ဟု အထက်ပါတာဝန်ရှိသူက ပြော
သည်။
တောင်ကတုံးစခန်းတွင် စစ်ကောင်စီတပ်အင်အား ၄၀ ခန့်ရှိကာ တိုက်ပွဲအတွင်း စစ်ကောင်စီတပ်သားများ သေဆုံးထိခိုက်မှုရှိသော်လည်း အသေးစိပ်မသိရသေးပေ။
ထိုစခန်းမှ ဆုတ်ခွာထွက်ပြေးသွားသည့် စစ်သားများသည် ရှမ်းပြည်နယ်ရှိ စစ်ကောင်စီ၏ လွိုင်
ဆမ်မုန်းတပ်စခန်းသို့ ဆုတ်ခွာသွားကြောင်းလည်း သိရသည်။
၂၀၂၄ ခုနှစ် ဒီဇင်ဘာ ၂၈ ရက်ကလည်း ကရင်နီ ပြည်နယ် နှင့် ထိုင်း နယ်စပ်ရှိ စစ်ကောင်စီ၏ မယ်လယု မဆုတ်တမ်း ခံစစ်စခန်းကို ကရင်နီတပ်မ
တော် KA က သိမ်းပိုက်ခဲ့သည်။
ထိုင်း-ကရင်နီပြည်နယ် နယ်စပ်တစ်လျှောက်တွင် နယ်စပ် အမှတ်စဥ် ၉ မှ ၁၆ ခုထိရှိပြီး ယခုစစ်ရေး အချက်အလက်များအရ ကရင်နီတပ်မတော်နှင့် ပူးပေါင်းတပ်များက အလုံးစုံထိန်းချုပ်လိုက်နိုင်ပြီလည်း ဖြစ်သည်။
မယ်လယု မဆုတ်တမ်းခံစစ်စခန်းမှ အာပီဂျီဗုံးသီး ၆၀ ၈၁ မမ အလုံး ၃၀၊ ၆၀ မမ အလုံး ၂၀၀ ကျော်၊ကျည်ဆံ ၁၅,၀၀၀ ထက်မနည်း အပါအဝင် လက်ပစ်ဗုံးများ ၊နင်းမိုင်းများ နှင့် မော်တော်ယာဥ်များပါသိမ်းဆည်းရရှိခဲ့သည်။
သို့သော် တောင်ကတုံးနယ်စပ်စစ်ကောင်စီစခန်းမှ ရရှိသည့် လက်နက်ခဲယမ်းနှင့် စစ်ရေးအခြေအနေကိုမူကရင်နီတပ်မတော်ဘက်ကအသေးစိတ် ထုတ်
ပြန် ခြင်းမရှိသေးပေ။
လက်ရှိတွင် ကရင်နီပြည်နယ်သို့ ဝင်ပေါက်ဖြစ်သည့် မိုးဗြဲ မြို့ကိုပြန်ရရှိရန် စစ်ကောင်စီ၏ ထိုး စစ်မှာ နှစ်လကျော် ကရင်နီတပ်ပေါင်းစုက ခုခံနေဆဲပင်ဖြစ်သည်။
(ပွိုင့် ၅၄၁၆(စစ်ဆင်ရေးခြေကုပ်စခန်း)တောင်က
တုံးစခန်းကို KA သိမ်းပိုက်ပြီးနွေ့ရစဥ်။
ဓါတ်ပုံ-Kantarawaddy Times)
